රනිල් ඉල්ලා අස්වන්නේ සර්ව පාක්ෂික ආණ්ඩුව පිහිටුවීමෙන් පසුවයි

  අගමැති රනිල් වික්‍රමසිංහ මහතා තනතුරින් ඉල්ලා අස්වන්නේ සර්ව පාක්ෂික ආණ්ඩුවක් පිහිටුවා ආණ්ඩුවේ වැඩ කටයුතු පවත්වාගෙන යෑමට සුදානම් වීමෙන් පසුව බව අගමැති කාර්යාලය ප්‍රකාශ කොට ඇත. අගමැති ඉල්ලා අස්වීම ආණ්ඩුව ම ඉල්ලා අස්වීමක් වන බැවින් ඉන්ධන, ගෑස්, ආදිය බෙදාහැරීම , ණය ප්‍රතිව්‍යුහගත කිරීමේ වාර්තා සැකසීම, විදේශ නියෝජිතයින් සමග සාකච්ඡා ආදිය පිලිබඳ අර්බුද මතුවන නිසා මෙම…

ඉල්ලා අස්වී සර්ව සර්වපාක්ෂික රජයකට බලය දෙන්න සූදානම් බව රනිල් පක්ෂ නායකයින්ට කියයි

අග්‍රාමාත්‍ය ධූරයෙන් ඉල්ලා අස්වී සර්ව පාක්ෂික රජයකට බලය ලබාදීමට තමන් සූදානම් බව අග්‍රාමාත්‍ය රනිල් වික්‍රමසිංහ මහතා පක්ෂ නායකයින්ට ප්‍රකාශ කර තිබෙන බව අග්‍රාමාත්‍ය කාර්යාලය කියයි. අගමැතිවරයා විසින් කැඳවන ලද පක්ෂ නායක රැස්වීමේ දී මේ බව දැනුම් දී තිබේ . ජනාධිපතිතුමා වහාම ඉල්ලා අස් විය යුතු බව සහ කතානායකවරයා ජනාධිපතිධුරයේ වැඩ බැලිය යුතු බව එහි දී…

ජනාධිපති ගෝටාභය ඉවත්විය යුතු බව පක්ෂ නායකයෝ තීරණය කරති

ජනාධිපති ගෝටාභය රාජපක්ෂ මහතා ධුරයෙන් ඉවත්විය යුතු බව දැන්පැවැත්වෙන පක්ෂ නායක රැස්වීමේ දී තීරණය කොට ඇති බව විදෙස් මාධ්‍ය වාර්තා කියයි. පක්ෂනායක සාකච්ඡාවට නායකයින් පිරිසක් කායිකව සහභාගී වූ බවත්, පැමිණිය නොහැකි පිරිසක් මාර්ග ගත ක්‍රමයට සහභාගී වූ බවත්, වාර්තා වෙයි. පක්ෂ නායක රැස්වීමට සහභාගී නොවන බව කී විපක්ෂ නායක සජිත් ප්‍රේමදාස මහතා ද මාර්ග ගත…

අගමැති කැඳවන පක්ෂ නායක සමුළුවට සජිත් එන්නේ නැතිලු

අගමැති රනිල් වික්‍රමසිංහ මහතා කැඳවන පක්ෂ නායක රැස්වීමට සහභාගී නොවන බව සමගි ජන බලවේගය නිවේදනයක් නිකුත් කරමින් ප්‍රකාශ කරයි. සජිත් ප්‍රේමදාස මහතා විසින් නිකුත් කොට ඇති එම නිවේදනයේ දැක්වෙන්නේ රනිල් වික්‍රමසිංහ අගමැතිවරයා ද ධුරයෙන් ඉවත් විය යුතු බවයි. මේ තත්ත්වය තුළ රටේ යලිත් අරාජික තත්ත්වයක් ඇතිවීමේ අනතුරක් ඇති බව දේශපාලන නිරීක්ෂකයෝ කියති.

පාර්ලිමේන්තුව වහා කැඳවන්නැයි අගමැතිගෙන් කතානායකට උපදෙස්

පවතින තත්ත්වය පිලිබඳ සාකච්ඡා කොට රට ස්ථාවර කිරීමට ගත යුතු පියවර තීරණය කිරීම සඳහා වහාම පරිලේන්තුව කැඳවීමට ක්‍රියා කරන ලෙස අගමැති රනිල් වික්‍රමසිංහ මහතා කතානායක මහින්ද යාපා අබේවර්ධන මහතාට උපදෙස් දී ඇති බව වාර්තා වෙයි. හදිසි අවස්ථාවක දී පාර්ලිමේන්තුව කැඳවීමේ බලය කතානායක තුමාට තිබෙන බව කියති.

ගෝටා පන්නන්න ගිය දොස්තර රාජිතට පහර දී පන්නා දමති

ජනාධිපති ගෝටාභය රාජපක්ෂ එලවීමේ සටනට එහිගිය සමගි ජන බලවේගයේ  පාර්ලිමේන්තු මන්ත්‍රී රාජිත සේනාරත්න මහතා අරගලකරුවන් ගේ ප්‍රහාරයකට ලක් වී ඇතැයි වාර්තා වෙයි. ජනාධිපති මන්දිරයේ ආසන්නයේදී රාජිත සේනාරත්න මහතා මෙම ප්‍රහාරය ලක් වු අතර , ඔහුගේ ආරකෂක නිලධාරින් ඔහු වටකරගෙන ඉවතට රැගෙන ගොස් ඇත.

අගමැති රනිල් හදිසි පක්ෂ නායක රැස්වීමක් කැඳවයි

වහාම පක්ෂ නායකයින්ගේ රැස්වීමක් කැඳවීමට අගමැති රනිල් වික්‍රමසිංහ මහතා කටයුතු කොට ඇති බව වාර්තා වෙයි. රටේ උද්ගතව ඇති තත්ත්වය යටතේ ගත යුතු හදිසි පියවර තීරණය කිරීම සඳහා මෙම රැස්වීම වහාම කැඳවා තිබේ.

විපක්ෂ නායක සජිත් රෝහල් ගත වෙයි

විපක්ෂ නායක සජිත් ප්‍රේමදාස මහතා රෝහල් ගතකර ඇති බව වාර්තා වෙයි. අසනීප තත්ත්වයක් හේතුවෙන් ඒ මහතා කොළඹ පෞද්ගලික රෝහලකට ඇතුලත් කර ඇත.

ධුරයෙන් ඉවත්වන්නැයි ආණ්ඩු පක්ෂ මන්ත්‍රී කණ්ඩායමක් ජනාධිපතිට දන්වයි

වහාම තනතුරින් ඉවත්වන ලෙස ශ්‍රී ලංකා පොදුජන පෙරමුණ නියෝජනය කරන මන්ත්‍රී කණ්ඩායමක් ජනාධිපති ගෝටාභය රාජපක්ෂ මහතා වෙත ලිඛිතව දැනුම් දී ඇති බව වාර්තා වෙයි. පාර්ලිමේන්තුවේ බහුතරයකගේ සහය දිනාගත හැකි ජනාධිපතිවරයකු පත්කර ගැනීමට අවස්ථාව සලසන ලෙස ද එමගින් ඉල්ලා තිබේ ඩලස් අලහප්පෙරුම, මහාචාර්ය චරිත හේරත්, නාලක ගොඩහේවා ඇතුළු මන්ත්‍රීවරුන්  16 දෙනෙකු එයට අත්සන් තබා ඇති බව…

අරගලකරුවෝ ජනාධිපති මන්දිරයට ඇතුළු වෙති

  ජනාධිපති ගෝටාභය රාජපක්ෂ මහතාට ධුරයෙන් ඉවත්වන ලෙස බල කරමින් කොළඹට පැමිණි අරගලකරුවෝ මේ වනවිට ජනාධිපති මන්දිරයට ඇතුළු වී සිටිති. ඔවුන් නැවත්වීමට පොලිසිය සන්දුලු ගෑස් සහ ජාල ප්‍රහාර යොදා ගත්ත ද එම උත්සාහය මේ වනවිට අසාර්ථක වී තිබේ. ගෝටභය රාජපක්ෂ මහතා ජනාධිපති මන්දිරයේ නොමැති බව ද වාර්තා වී ය.

පොහොර නැව ආවා ; බෙදාහැරීම් හෙට සිට – කෘෂිකර්ම අමාත්‍යාංශය

යුරියා මෙට්‍රික් ටොන් 40,000 ක් රැගත් නැව අද උදේ කොඅල්ම්බා වරායට ළඟ වූ බවත්, පොහොර බෙදා හැරීමේ කටයුතු හෙට සිට අරඹන බවත්, කෘෂිකර්ම අමාත්‍යාංශය නිවේදනය කරයි. මෙම පොහොර මිටියක් රුපියල් 10,000 ක් සහන මිලකට ගොවීන්ට ලබාදීමට නියමිතය. තවත් යුරියා මෙට්‍රික් ටොන් 25,000 ක් ඉදිරි කාලයේ ලැබීමට නියමිතය.

පොලිස් ඇඳිරි නීතිය ඉවත් කෙරෙයි

කොළඹ සහ අවට පොලිස් කොට්ටාස හතකට බල පවත්වන ලෙස ඊයේ රාත්‍රී 9.00 සිට ක්‍රියාත්මක කළ පොලිස් ඇඳිරි නීතිය අද උදේ 8.00 සිට ඉවත් කොට තිබේ. මෙබඳු ඇඳිරි නීතියක් පැනවීමට නීතිමය ප්‍රතිපාදන නැති බව ශ්‍රී ලංකා නීතිඥ සංගමය ඇතුළු පාර්ශව ගණනාවක් පෙන්වා දී තිබිණි.