|

රට වේගයෙන් අසමත් රාජ්‍යයක් කරා – රටේ රාළ

අනුර ජනාධිපතිවෙලා දැන් මාස හයකට ඉතා ආසන්නයි.මාලිමා ආණ්ඩුව පත්වෙලා දැන් මාස හතරකට ආසන්නයි.අනුර – ජවිපෙ – මාලිමා ආණ්ඩුව එනවත් එක්ක මොනවා නැති උනත් රටේ අපරාධ රැල්ල උපරිමයෙන්ම හිස ඔසවලා තියනවා.දවස ගානේ පාතාල ඝාතන සිද්ධ වෙනවා.ඒ වගේම රටේ ජනතාවගේ ආරක්ෂාව වේගයෙන් බිඳවැටෙමින් තියනවා.විශේෂයෙන්ම කාන්තාවන්ගේ ආරක්ෂාව බරපතල අවධානම් තැනක තියෙන්නේ.
කාන්තාවන්ට සිද්ධවෙන අතවර වේගයෙන් ඉහළ ගිහින්.අනුර සහ අනුරගේ ගෝලයෝ කියන්නේ ජාතික ආරක්ෂාවට කිසිම ප්‍රශ්නයක් නෑ,පතාල කල්ලි අතර ගැටුම් සිද්ධ වෙනවා,ඒක මහජන ආරක්ෂාවට තර්ජනයක් නෙවෙයි කියලා.දැන් අනුරලාට මේ රටේ මහජන ආරක්ෂාව සලස්වන්න බෑ.නීතියට පිටින් කටයුතු කරන පොලිස්පති දේශබන්දු තෙන්නකෝන්ව අත්අඩංගුවට ගන්නවත් මේ ආණ්ඩුවට බෑ.
ඇත්තටම දැන් නං ඒ සම්බන්ධ බරපතල සැකයක් මතුවෙනවා. දේශබන්දු ඉන්න තැන ගැන එක එක පුවත් මැවෙනවා.දේශබන්දු ඉන්නේ ලොක්කාගේ ඩොලර් එකවුන්ට් එක handle කරන කෙනා ගාව කියලා කියනවා.දේශබන්දු ඉන්නේ ටිරාන් අලස් ළඟ කියනවා.පහුගිය දවසක සෙව්වන්දි ඉන්න තැනක් ගැන පොලිසියට බොරු ඔත්තුවක් දීලා දැන් ඒ මනුස්සයා රිමාන්ඩ් කරලා තියනවා.
හැබැයි දේශබන්දු ඉන්නවා කියන තැන් ගැන හැදිලා තියෙන සංවාදයට අදාල කිසිම පරීක්ෂණයක් පොලීසිය පැත්තෙන් වෙන්නේ නෑ.ඒකෙන් එකක් පැහැදිලියි,දේශබන්දු හැංගිලා ඉන්නේ ප්‍රබල දේශපාලන රැකවරණයක් එක්ක වෙන්න ඕනි.ආණ්ඩුව කරන්නේ මොකක් හරි බිල්ලෙක් මවමින් තමන්ගේ නොහැකියාව වහගන්න හදන එකයි.මුලදීම රිලව් සහ වඳුරන්ගෙන් පටන් ගත්ත බිල්ලන් මැවිම මහින්ද හරහා දැන් රනිල් ළඟට ඇවිල්ලා.
කිසිම දේශපාලන වැදගත්කමක් නැතිව මේ බිල්ලන් මැවිමෙන් පේන්නේ ආණ්ඩුව තමන්ගේ බැරිකම වහගන්න කරන උත්සාහයක් විදිහටයි.ආණ්ඩුවට පාතාලය මර්ධනය කරලා, සාමාන්‍ය ජන ජීවිතය පවත්වාගෙන යමින් ජනතාවගේ ආරක්ෂාව තහවුරු කරන්න බෑ.ඒ මදිවට අර චතුරංග අබේසිංහ වගේ අය රටට සිගිති ආතල් දෙමින් ඉන්නවා.චතුරංග කියන්නේ එයාලා මාධ්‍යයට නොකියා පාතාලය මර්ධනය කරමින් ඉන්නවාලු.
ඒකට බයේ පාතාල කණ්‌ඩායම් අතර ගැටුම් ඇතිවෙලාලු. ඇත්තටම බොරුවක් උනත් කියන්න ඕනි ටික දවසක් තියෙන්න. බොරු කියන එක මේ ආණ්ඩුවේ ජාති ලක්ෂණයක් උනාට කල් පවතින බොරුවක් හදාගන්නවත් මේ ආණ්ඩුවට බෑ.ඊළඟට චතුරංග මාධ්‍යයට නොකියා පාතාලය මර්ධනය කරනවා කියලා කියන්නේ මාධ්‍යයට.එහෙම එකක් කරනවා නං අඩුම ගානේ කාට කිව්වත් මාධ්‍යයට නොකියා ඉන්න ඕනිනේ.
ජවිපෙ බලය ගන්නවත් එක්ක මේ සමාජ ප්‍රචණ්ඩත්වය ඉහල ගියේ ඇයි?මෙතන සමාජ විද්‍යාත්මක කාරණයක් තියනවා.මේ ප්‍රශ්නය දේශපාලන,ආර්ථික සහ සමාජ ප්‍රශ්නයක් බව අමුතුවෙන් කියන්න ඕනි නෑ.ඊළඟට මේක ජවිපෙ ඇති කරපු ප්‍රශ්නයකුත් නෙවෙයි.හැබැයි මේක ජවිපෙ විසින් වර්ධනය කරපු ප්‍රශ්නයක්. පහුගිය කාලය මුළුල්ලේම මේ සමාජයට වෛරය පොම්ප කරපූ ප්‍රධාන බලවේගය උනේ ජවිපෙ බලවේගයයි.
අදත් ඉතිරිවෙලා ඉන්න ජවිපෙ සහ මාලිමා බලවේගයේ එකම වැඩේ ඒක.දේශපාලන තර්කයකට ප්‍රති තර්කයක් ගොඩ නගන්න එයාලා එකඟ නෑ.එයාලාට එක කරන්න දේශපාලන දැනුමක් නෑ. ඒක නිසා එයාලගේ භාෂාව කපන,කොටන,මරණ එක සහ කුණුහරුප කියන එක විතරයි.සමාජ මාධ්‍යවල තවත් කෙනෙකුට කුණුහරුපෙන් බනිනවා නං අනිවාර්යෙන්ම ඒ ජෙප්පෙක් නැත්තං මාලිමා බයියෙක්.
කාට හරි මරණය ප්‍රාර්ථනා කරනවා නම් ඒ එක්කෝ මාලිමා බයියෙක් නැත්තං ජෙප්පෙක්.රටේ රාළ ලිපිය තරම් ජෙප්පන් සහ බයියන්ගේ කුණුහරුප අහපු ලිපියක් තවත් නැතිව ඇති.හැබැයි අපේ පැත්තෙන් එහෙම බනිද්දී එක වචනයක්වත් කියලා නෑ.ඒ ජෙප්පන්ට සහ බයියන්ට බයේ නං නෙවෙයි.අපි ඒ හිරිකිත සංස්කෘතිකට එකඟ නැති හින්දයි.අපි ජෙප්පන්ට සහ බයියන්ට තවමත් අනුකම්පා කරනවා.රටේ රාළ කියන්නේ මේ වෛරී සංකල්පය ජවිපෙ බලයට එනවත් එක්ක සමාජයට වේගයෙන් මුදා හැරලා තියනවා.
අද ඒ වෛරී සමාජ මතය සක්‍රීයවෙලා තියනවා.මේ ප්‍රචණ්ඩත්වය හරියට නිරීක්ෂණය කලොත් මේක පතුලේ තියෙන්නේ ජවිපෙ විසින් වැපුරවපු වෛරය බව පැහැදිලි වෙනවා.උදාහරණයක් විදිහට පහුගිය දවසක එක්තරා පුද්ගලයෙක් හම්බන්තොට ප්‍රාදේශීය ලේකම් කාර්යාලයට එල්ල කළ ප්‍රහාරය ගන්න. ඇත්තටම ඒ පහර දුන් තැනැත්තා මාලිමාවේ ප්‍රබල සාමාජිකයෙක්.දැන් මාලිමාකාරයෝ ගොඩක් ප්‍රශ්න බේරෙන්න යන්නේ දේශපාලන හයිට සහ ඇගේ හයියට.පහුගියදා මැදිරිගිරියේ පවත්වපු සංගීත ප්‍රසංගයකදී සිද්ධ උනෙත් එහෙම වෛරය මුදා හැරීමක්.
හම්බන්තොට සිද්ධිය අනුමත කරමින් පෝස්ට් දාපු අති බහුතරය කවුද කියලා හොයලා බැලුවොත් ඔයාලට හරියටම චිත්‍රය පාට කරගන්න පුළුවන්.මේ රට පුරා තැන් තැන්වල පුපුරලා යන්නේ ජවිපෙ විසින් පතුරවපු වෛරයයි.මේ ප්‍රචණ්ඩත්වයේ පදනමේ තියෙන්නේ ජවිපෙ විසින් වැපිරුව වෛරයයි.බටලන්ද වාර්තාව උනත් එයාලා පාව්චිචි කරන්නේ වෛරය පිරි සමාජ මතය නඩත්තු කරන්න.මේකෙන් වෙන්නේ රටේ නීතීයේ ආධිපත්‍යය ගිලිහි යාමයි.
දේශබන්දුලා කරපු වැරදිවල අයිති ඇත්තේ ගිය ආණ්ඩුවට වෙන්න ඇති.හැබැයි දේශබන්දු හැංගිලා ඉන්නේ අනුරගේ ආණ්ඩුවේ රැකවරණය ඇතුලේ.ඒකට තවමත් පරණ අයට බැනීමෙන් වෙන්නේ අනුරට බෑ කියන එක තවදුරටත් තහවුරු වීමයි.මේ තියන රාජ්‍යයේ දුර්වලකමට ජවිපෙ වැපිරූ වෛරයත් එකතු උනාට පස්සේ හෙට දවසේ නිර්මාණය වෙන්නේ තවත් හයිටියක් තමයි.
හරි එහෙනම් ගිහින් එන්නම්.
ජයවේවා.
මීට
රටේ රාළ.
May be an image of 4 people and text

Similar Posts

Leave a Reply

Your email address will not be published. Required fields are marked *