සජබයට ඉතුරු වන්නේ ආචාර්ය හර්ෂ ද සිල්වා විතරයි !
එක්සත් ජාතික පක්ෂයේ සාමාජිකත්වය දැරීම නිසා සමගි ජන බලවේගයේ සාමාජිකත්වය අහිමි වන බැවින් එම පක්ෂයේ මන්ත්‍රීවරුන් අතරින් පක්ෂයට ඉතිරි වන්නේ ආචාර්ය හර්ෂ ද සිල්වා මහතා පමණක් බව එම පක්ෂයේ උප සභාපති සහ අපේ ජාතික පෙරමුණේ හිටපු සභාපති සේනක ද සිල්වා මහතා ප්‍රකාශ කරයි.
සජබ සාමාජිකත්වය ලබා ගන්නා විට එජාපයෙන් ඉල්ලා අස් වුයේ ආචාර්ය හර්ෂ ද සිල්වා මහතා පමණකි.
සජබ නායක සජිත් ප්‍රේමදාස , මහ ලේකම් රන්ජිත් මද්දුම බණ්ඩාර ඇතුළු අන් සියලු දෙනා තවමත් එක්සත් ජාතික පක්ෂයේ සාමාජිකයින් බව සේනක ද සිල්වා මහතා කියයි.
සේනක ද සිල්වා මහතා කියන්නේ ඒ සියලු දෙනාගේ සජබ සාමාජිකත්වය අහෝසි වන බව යි.
ඒ සඳහා අවශ්‍ය නීතිමය පියවර ගන්නා බව සේනක ද සිල්වා මහතා වැඩි දුරටත් ප්‍රකාශ කරයි.
ඒ මහතා ඊයේ පැවත් වූ මාධ්‍ය හමුවේ දී මෙම තොරතුරු හෙළිදරව් කළේ ය.
