නව කැබිනට් ප්රකාශක බන්දුල නා ගෙන ම පටන්ගනී ; දේශපාලන ප්රකාශයට මාධ්යවේදී විරෝධය

නව කැබිනට් ප්රකාශක ලෙස පත්වීම් ලද ජනමාධ්ය ඇමති බන්දුල ගුණවර්ධන මහතා කැබිනට් තීරණ දැනුම් දීම සහ ඒවා පළිබඳ ප්රශ්න ඇසීමට සහ පිළිතුරු දීමට තිබෙන කාලය තම දේශපාලන ප්රකාශයක් සඳහා යොදා ගැනීම අද දින කැබිනට මාධ්ය සාකච්ඡාවට සහභාගී වූ මාධ්යවේදීන්ගේ දැඩි දෝෂ දර්ශනයට ලක්වී ය.
සූම් තාක්ෂනය ඔස්සේ පැවැත්වෙන කැබිනට මාධ්ය සාකච්ඡාව විනාඩි 45 කට සීමා කොට තිබිය දී එයින් විශාල කාලයක් තම දේශපාලන ප්රකාශනයක් සඳහා යොදා ගැනීමට ඇමතිවරයා ක්රියා කිරීම නිසා මෙම විරෝධය එල්ල වී ය.
මේ පිළිබඳව ඇතැම් මාධ්යවේදීන් ප්රශ්න විමසීමේ අවස්ථාවේ දී ම තම විරෝධය ප්රකාශ කළේ තමන්ට ප්රශ්න ඇසීමට ඇති කාලය කා දැමීම ගැන චෝදනා කරමිනි.
ඇමතිවරයාගේ ක්රියාව ගැන බොහෝ මාධ්යවේදීන් කෝපයට පත්ව සිටි බව ද වාර්තා වී ය.
