|

රනිල් අනුරගෙන් ගේම ඉල්ලද්දී සජිත් සහජීවන අගමැතිකම ඉල්ලයි – රටේ රාළ

.
ලබන ජනවාරි මාසේ රාජ්‍ය සේවකයන්ට රුපියල් 25000 ක දීමනාවක් දෙන්න රනිල්ගේ ආණ්ඩුවෙන් ගත්ත කැබිනට් තීරණයක් තියනවා.මුදල් ඇමති විදිහට රනිල් කැබිනට් පත්‍රිකාව දාලා ජනාධිපති විදිහටත් ඒකට අත්සන් කරලා තියනවා.රනිල්ගේ කැබිනට් පත්‍රිකාව කැබිනට් මණ්ඩලය ඒකමතිකව අනුමත කරලත් තිබුණා.
රනිල්ගේ ඒ කැබිනට් පත්‍රිකාවට පදනම් වෙලා තිබුණේ රනිල් විසින් රජයේ සේවකයන්ගේ වැටුප් වැඩි කිරීම සම්බන්ධව පත්කරපු උදය සෙනවිරත්න කමිටු වාර්තාව.උදය සෙනවිරත්න වාර්තාවේ තිබුණේ රජයේ සේවකයන් ගෙවන දුක්ඛිත ජීවිත නිසා ඉක්මන් පඩි වැඩිව්මක් දෙන්න කියලයි.ඒ වෙනුවෙන් තමයි රනිල් කැබිනට් පත්‍රිකාව ඉදිරිපත් කරන්නේ.දැන් විජිත හේරත් කියනවා එහෙම කැබිනට් තීරණයක් තිබුණට මුදල් අමාත්‍යාංශය පැත්තෙන් ඒකට නිර්දේශ දීලා නෑ කියලා.
ඒක ජනතාව රවට්ටන්න කරපු බොරුවක් විදිහටයි විජිත හේරත් කියන්නේ.ඒ කියන්නේ විජිත හේරත්ට අනුව ජනාධිපතිට,කැබිනට් මණ්ඩලයට,මුදල් ඇමතිට උඩින් තමයි මුදල් අමාත්‍යාංශය තියෙන්නේ.ඇත්තටම විජිතලා හිතාගෙන ඉන්නේ එහෙම වෙන්නත් පුළුවන්. විජිතලා කියන්නේ කැබිනට් එකක් නැතිව අමාත්‍යාංශය ලේකම්ලා එක්ක රට පාලනය කරන්න පුළුවන් කියලා කියපු කට්ටියනේ.
හැබැයි ඇත්ත කතාව ඇමතිවරයා දෙන නිර්දේශවලට අනුව තමයි අමාත්‍යාංශ ලේකම් සහ අමාත්‍යාංශයේ අනෙක් නිළධාරින් වැඩ කරන්න ඕනි.මෙතනදී රනිල් ගෙනැල්ලා තියෙන්නේ මුදල් ඇමති සහ කැබිනට් මණ්ඩලයත්,කැබිනට් මණ්ඩලයේ ප්‍රධානියා විදිහට ජනාධිපතිත් එක්ක ගත්ත තීරණයක්.ඒක අනිවාර්යයෙන්ම නීත්‍යානුකූලයි.එතකොට මුදල් අමාත්‍යාංශය නිළධාරීන් කරන්න ඕනි ඒ තීරණය ක්‍රියාත්මක කරීමට අවශ්‍ය කටයුතු කරන එක සහ ඊට අවශ්‍ය උපදෙස් ඇමතිගෙන් ගන්න එකයි.
ඇත්තටම ඊට අදාල සාකච්ඡාවක් රනිල්,මුදල් අමාත්‍යාංශ ලේකම් සහ ජනාධිපති ආර්ථික උපදේශක මහාචාර්ය සමරතුංග අතර සිද්ධ වෙලා තියනවා.ඒ අනුව ඉදිරි අයවැයෙන් රාජ්‍ය සේවකයන්ගේ වැටුප් වැඩිකිරීමට අවශ්‍ය මුදල් වෙන් කරන්න තීරණය කරලා තියනවා.ඒ වගේම මේ අවුරුද්දේ මුල් කාර්තුවෙත් රජයේ සේවකයින්ට රුපියල් 10000 ක පඩි වැඩිවීමක් දීලත් තියනවා.දැන් රනිල් රජයේ සේවකයන්ගේ ජනවාරි මාසේ වැඩි කරපු වැටුප දෙන්න ඕනි කියලා අනුරගෙන් ගේම ඉල්ලන තැනට ඇවිත්.
රනිල් කියන්නේ ” මේ වැටුප් වැඩිවීම කල් දාන්න එපා.මොකද මිනිස්සුන්ට ජීවත් වෙන්න අමාරුයි. මාලිමාවෙන් දුන්න පොරොන්දු ඉෂ්ඨ කරන්න බැරිනම් මම දුන්න පොරොන්දුව හරි ඉෂ්ඨ කරන්න.රජයේ සේවක වැටුප් වැඩිවීම ජනවාරි මාසයේ සිට ක්‍රියාත්මක කරන්න.මගේ අදහස වුණේ ජනාධිපතිවරණයෙන් දිනුවොත් දෙසැම්බර් මාසයේ හෝ ජනවාරි මුල් සති දෙකේ මේ වැටුප් වැඩිවීම සම්මත කරලා ජනවාරි අග වැටුප ගෙවන්න.දැන් මේ වැටුප් වැඩිවීම ප්‍රමාද කරන්න හදන්න එපා.සිංහල අවුරුද්ද සමරන්න මිනිස්සු අතේ සල්ලි තියෙන්න ඕන.මෙම වැටුප් වැඩිවීම නීත්‍යානුකූලයි.දැන් මේ සටන ඉදිරියට ගෙනියන්න ඕන සිවිල් සේවකයන්.මේ සටන දැන් තියෙන්නේ ඔබ අතේ “
මෙතන දැන් තවත් විශේෂ දෙයක් තියනවා.රනිල් අනුරගෙන් ගේම ඉල්ලද්දී සජිත් අනුර එක්ක සමගියෙන් ආණ්ඩු කරන්න අගමැතිකම ඉල්ලනවා.සජිත් තෝරලා තියෙන්නේ අනුරත් එක්ක සහජීවනයෙන් යන ගමනක් මිසක් ජනතාවගේ අයිතීන් වෙනුවෙන් හැපෙන සටනක් නෙවෙයි.මේකෙන් එකක් පැහැදිලියි අනුරටවත් සජිත්ටවත් රාජ්‍ය පාලනය සම්බන්ධව කිසිම අද්දැකීමක් හෝ දැනීමක් නෑ.
ඒ දෙන්නා බලාගෙන හිටියේ පුටුවලට පැනගන්න විතරයි.ඇත්තටම ජනාධිපති කෙනෙක් සියල්ල දන්නේ නෑ.ඒකට තමයි ජනාධිපතිවරුන් තමන්ගේ උපදේශකයන් විදිහට විෂය ප්‍රවීණයෝ පත්කර ගන්නේ.රනිල්ගේ ආර්ථික උපදේශක විදිහට හිටපු මහාචාර්ය සමරතුංග කියන්නේ එහෙම කෙනෙක්.හැබැයි අනුරලා ඇවිත් කළේ ජනාධිපති ලේකම්ගේ පටන් සියලු Key points වලට අනුරලාගේ ගෝලයෝ නැත්තං හෙන්චයියෝ දාගත්ත එකයි.
ඒකයි රටේ රාළ කියන්නේ තව වැඩි දවසක් යන්න ඉස්සෙල්ලා අනුරලා ඇණ ගන්නවා නියම ඇණ ගැනිල්ලක් කියලා.අනුර ජනාධිපතිවෙලා ගහපු පලවෙනි ගැසට් නිවේදනයම වැරදියි.අනුර පාර්ලිමේන්තුව විසුරවලා මැතිවරණයට දින නියම කරන ගැසට් එක ගහලා ටික වෙලාවකින් රටේ රාළ කිව්වා ගැසට් එක වැරදියි කියලා.එදා රටේ රාළට කුණුහරපෙන් බැනපු ගොඩක් ජෙප්පන්ට දැන් වැඩේ අවුල් කියලා තේරිලා. ඇත්තටම අපිට අනුරත් එක්ක පුද්ගලික තරහක් නෑ.
හැබැයි ඇත්තටම හරි පාරේ ගිය රටක් බොරු කියලා අරගෙන ඔහේ ගෙනියන එක බරපතල අපරාධයක්.මේ යන විදිහට කොයි වෙලේ එක්සිඩන්ට් එක වෙයිද දන්නේ නෑ.හැබැයි එක්සිඩන්ට් එක අනිවාර්ය බව නම් ෂුවර්.දැන් අනුරලා තේරුම් ගන්න ඕනි ජෙප්පන්ට බෑ කියන එක.මෝඩකමටයි,කයිවාරුවලටයි,කුහකකමටයි,වැඩවසම්කමටයි රටක් ගොඩදාන්න බෑ.
ඇත්තටම අනුරට දැන් තියෙන හොදම දේ තමයි වැරදුනා කියන එක පිලිගැනීම.පිලිගනිමින් ඊට පිලියම් යොදන්න පටන් ගන්න එකයි.අනුරලාට කරන්න තියෙන්නේ රට ගොඩනගන සාමූහික ක්‍රියාවලියකට අවතීර්ණ වෙන එකයි.අද මේ රට බේරගන්න තියන එකම ක්‍රමය පොදු වැඩපිලිවෙලකට කාගේත් සහය ගන්න එකයි. ඒක කරන්න අනුරලා විවෘත නැති උනොත් ජනතාව ඇවිත් අනුරලා පන්නලා දාන දවසත් තවත් වැඩි ඈතක නෙවෙයි.
හරි එහෙනම් ගිහින් එන්නම්.
ජයවේවා.
මිට

රටේ රාළ.

May be an image of 3 people

Similar Posts

Leave a Reply

Your email address will not be published. Required fields are marked *