සජිත්ගේ ඉල්ලීම දැන් පිළිගන්න බැහැ ; ප්‍රමාද වැඩියි – ජනාධිපති දන්වයි

තමන් අග්‍රාමාත්‍ය ධුරය භාරගැනීමට සූදානම් බවත් ඒ අනුව හෙට දිනයේ නව ආණ්ඩුවක් පිහිටුවමින් දිවුරුම් දීමට අවස්ථාව ලබාදෙන ලෙසත් සඳහන් කරමින් විපක්ෂ නායක සජිත් ප්‍රේමදාස මහතා විසින් ජනාධිපති ගෝඨාභය රාජපක්ෂ මහතා වෙත අද (12) දහවල් යවන ලද ලිපිය පිළිගැනීමට නොහැකි බව ජනාධිපති කාර්යාලය විසින් විපක්ෂ නායකවරයාට දැනුම් දී ඇති බව ආරංචිමාර්ග පවසයි.

මීට පෙර ජනාධිපතිවරයා විපක්ෂ නායකවරයාව දුරකථනයෙන් අමතා අග්‍රාමාත්‍ය ධුරය භාරගන්නා ලෙස කරන ලද ඉල්ලීම විපක්ෂ නායකවරයා විසින් ප්‍රතික්ෂේප කරන ලද හෙයින් ඒ අනුව ඉදිරි කටයුතු සිදුකිරීමට ජනාධිපතිවරයා පියවර ගෙන ඇති නිසා විපක්ෂ නායකවරයා මේ මොහොතේ කරන ඉල්ලීම පිළිගැනීමට හැකියාවක් නොමැති යැයි ඔවුන් පවසා ඇති බවයි ආරංචිමාර්ග සඳහන් කළේ.

 

Leave a Reply

Your email address will not be published. Required fields are marked *