අගමැති පත් කළ කමිටුවේ වාර්තාව මම පිළිගන්නේ නැහැ – කුරුණෑගල නගරාධිපති

මතභේදයට තුඩු දී තිබෙන කුරුණෑගල පිහිටි දෙවන බුවනෙකබා රජුගේ රාජ සභාව බිඳ දැමීම පිළිබඳව සෙවීමට පත් කල විද්වත් කමිටුවේ වාර්තාව තමන් පිළිගන්නේ නැති බව කුරුණෑගල මහ නගර සභාවේ නගරාධිපති තුෂාර සංජිව මහතා ප්‍රකාශ කරයි.

එම ගොඩනැගිල්ල බිඳ දැමීමේ චෝදනාව එල්ල වන්නේ ඔහුටය.

කඩා බිඳ දමන ලද අදාළ ගොඩනැගිල්ල පිළිබඳව සොයා බලා වාර්තාවක් ඉදිරිපත් කිරීම සඳහා පුරා විද්‍යා අධ්‍යක්ෂක ජෙනරාල් සෙනරත් දිසානායක මහතාගේ ප්‍රධානත්වයෙන් යුත් විද්වත් කමිටුවක් පත් කරන ලද්දේ අග්‍රාමාත්‍ය මහින්ද රාජපක්ෂ මහතා විසිනි. සංස්කෘතික අමාත්‍ය ධූරය දරන්නේද ඔහුය.

එම වාර්තාවෙන් 1815 මාර්තු මසට පෙර ඉදි කරන ලද ගොඩනැගිලි සියල්ලම පුරා විද්‍යා ස්ථාන ලෙස සැලකෙන බැවින් කඩා බිඳ දමන ලද ගොඩනැගිල්ලද ඊට ඇතුලත් වන බව විද්වත් කමිටුව සිය වාර්තාවේ සඳහන් කොට තිබිණි.

කඩා බිඳ දමන ලදයි කියන ස්ථානයේ නගර සභාව සතු ඉන්ධන පිරවූ බැරල් කිහිපයක් තිබු බවත් අබලන්ව තිබු ඒ ස්ථානය වැස්සට කඩා වැටුණු බවට නව මතවාදයක් නගරාධිපතිවරයා විසින් ඉදිරිපත් කර තිබේ.

CNH

Leave a Reply

Your email address will not be published. Required fields are marked *