|

බටලන්ද රිවස්ද? – රටේ රාළ.

අනුර – ජවිපෙ – මාලිමා ආණ්ඩුව බලයට පත්වීමෙන් පස්සේ ඇදපු හැම දේශපාලන තුරුම්පුවක්ම පොඩ් කොලවලින් කැපිලා ගියා.පහුගිය දවස්වල ටිල්වින්ලා,බිමල්ලා ඉස්මුදුනේ තියාගෙන කෑගහපු බටලන්ද කොමිෂන් වාර්තාවත් ආණ්ඩුවට දැන් පාරාවලල්ලක් වෙලා.බටලන්ද කොමිෂන් වාර්තාව සභාගත කරලා,නීතිපතී දෙපාර්තමේන්තුවට යවලා,රනිල්ගේ ප්‍රජා අයිතියත් අහෝසි කරලා, රනිල් හිරේ යවනවා කියලා වහසිබස් දොඩවපු ජවිපෙ දැන් ඒ ගැන සද්ධ නෑ.
බටලන්ද වධකාගාරයේ වධ බන්ධනවලට ලක්වුන අය ගෙනත් රනිල්ට විරුද්ධව සාක්ෂි දෙන්න කටයුතු කරනවා කිව්ව ටිල්වින් දැන් ඒ ගැන No කතා No සිනා.පහුගියදා ප්‍රසිද්ධ රූපවාහිනි සංවාදයකදී ජවිපෙ පාර්ලිමේන්තු මන්ත්‍රී ලක්ෂ්මන් නිපුනආරච්චි බටලන්ද කොමිෂන් වාර්තාවෙන් රනිල්ගේ ප්‍රජා අයිතිය අහෝසි කරන්න බැරි බව පිලිගත්තා.
බටලන්ද කොමිසම පිහිටෙව්වේ 1948 ජනාධිපති පරීක්ෂණ කොමිෂන් සභා පනත යටතේ.1978 විශේෂ ජනාධිපති විමර්ශන කොමිෂන් සහා පනත යටතේ බටලන්ද කොමිෂම ස්ථාපිත කරලා තිබුණා නම් කොමිෂමේ නිර්දේශ පාර්ලිමේන්තුවේ තුනෙන් දෙකකින් සම්මත කරලා රනිල්ගේ ප‍්‍රජා අයිතිය නැති කරන්න පුළුවන්කම තිබුණා.එදා බටලන්දට විශේෂ ජනාධිපති විමර්ශන කොමිසමක් ඉල්ලා නොසිටීමේ වරඳ කරලා තියෙන්නේ ජවිපෙම තමයි.
බටලන්ද කොමිෂන් සභාව ස්ථාපිත කරන්නේ 1995දී.1995 වෙනකොට ජවිපෙ සහ චන්ද්‍රිකා අතර සමීප දේශපාලන මිත්‍රත්වයක් ගොඩනාගිලා තිබුණා.94 ජනාධිපතිවරණයේදී චන්ද්‍රිකාගේ ජයග්‍රහණය තහවුරු කිරීම වෙනුවෙන්,විධායක ජනාධිපතිධූරය අහෝසි කරනවා කියන ලිඛිත පොරොන්දුව මත ජවිපෙ අපේක්ෂක නිහාල් ගලප්පත්ති ජනාධිපතිවරණ සටනෙන් අයින්වුනා. 1994දී චන්ද්‍රිකාගේ බලය තහවුරු කරගන්න 88/89 දිවිපුදපු ජවිපෙ සාමාජිකයන්ගේ නම් විශාල වශයෙන් පාව්ච්චි වුනා.
බටලන්ද වධකාගාරය,සූරිය කන්ද සමුහ මිනීවල, ඇඹිලිපිටියේ ශිෂ්‍ය ඝාතනය වගේ මාතෘකා එදා උඩින්ම තිබුනා.ජවිපෙ සහයෝගයත් සහිතව චන්ද්‍රිකා ජනාධිපතිවරණය ජයග්‍රහණය කළා. ජවිපෙට ඒ කාලය තුල චන්ද්‍රිකාගෙන් විශේෂ ජනාධිපති විමර්ශන කෝමිසමක් ඉල්ලීමේ හැකියාව තිබුණා.හැබැයි ජවිපෙ පැත්තෙන් ඒ ඉල්ලීම කළේ නෑ.
ඒ විතරක් නෙවෙයි 2004දී චන්ද්‍රිකා එක්ක පරිවාස ආණ්ඩු හදද්දී,2005දී මහින්ද ජනාධිපති කරන්න ජවිපෙ සියලු වෙර යොදා කැපවෙද්දී බටලන්ද වෙනුවෙන් හරි සමස්ථ 88/89 ඝාතන වෙනුවෙන් හරි විශේෂ ජනාධිපති කොමිෂමක් ඉල්ලීමේ හැකියාව ඕනි තරම් තිබුණා.ජවිපෙ ඒ ගැන උනන්දුවක් දක්වුවේ නෑ.ජවිපෙ එහෙම කළේ ආයෙත් ඒ ප්‍රශ්නය ඇදගැනීම ජවිපෙට අවාසිදාය හින්දයි.
ඒ වෙනකොටත් ජවිපෙ පුරා තැවරිලා තිබුණ ලේ පිහදාගෙන නව ගමනක් යන්න ජවිපෙ සැලසුම් කරමින් හිටියා.හැබැයි හතරදෙනාගේ කල්ලිය ජවිපෙ ඇතුලේ බලවත්වීමත් එක්ක තත්වය වෙනස්වුනා.එයාලට වෛරය නැතිව පවතින්න බෑ.එයාලා අඛණ්‌ඩව පක්ෂය ඇතුලේ වෛරය නඩත්තු කළා.ජවිපෙන් පිට අයට නෙවෙයි,ජවිපෙ ඇතුලේ ඉන්න අය පවා එයාලගේ වෛරය පාත්‍ර වුනා.
ජවිපෙ හිටපු නායක සෝමවංශ අමරසිංහත් හතර දෙනාගේ කල්ලියේ දැඩි වෛරයට සහ පලිගැනීමට ලක්වුනා.ජවිපෙ බලය ගත්තට පස්සේ රාජ්‍ය පාලන ආකෘතිය ඇතුලටත් මේ වෛරය සහ පලිගැනීම ගෙනත් තියනවා.හැබැයි වෛරය වපුරන්න ගිය හැම තැනකදීම ජවිපෙට අත්වුනේ පරාජය.ජවිපෙ හොරු අල්ලීමේ මුවාවෙන් දේශපාලන පලිගැනීම් පටන් ගත්තා.ඒ වෛරී project එකේ පළවෙනි ඉලක්කය උනේ මහින්ද විජේරාම නිල නිවසෙන් එලවලා දැමීමයි.අනීතිකව මහින්ද පන්නලා දාන්න පෞද්ගලිකව අනුර සහ මාලිමා ආණ්ඩුව උත්සාහ කළා.
මේ අනීති මැදිහත්වීම අනුරලාට සාධාරණ ඇති. හැබැයි සමාජය ඒක ඒ විදිහට බාරගත්තේ නෑ. සමාජය ඒක දැක්කේ තිස් අවුරුදු යුද්ධයෙන් රට බේරාගත් නායකයාගෙන් පලිගන්නා විදිහටයි.ඒ සමාජ මතය ඉස්සරහා අනුරලාට පසුබහින්න සිද්ධවුනා.ඒ වැඩෙන් නැවත රාජපක්ෂලාට නැගිටින්න අනුර අත්තටු දුන්නා.බටලන්ද කොමිෂන් වාර්තාවේ නෛතික පැත්ත ගැන දැන දැනම ජවිපෙ බලවේගය වෙතට වෛරය ගෙනයෑම අද ජවිපෙට පාරවලල්ලක් වෙලා.
ඒක නිසා බටලන්ද කොමිෂන් සහා වාර්තාව පාර්ලිමේන්තුවේ කරන විවාදයකින් ඔබ්බට යන්නේ නෑ.ජවිපෙ අනුර පාර්ශවය ඒ තීරණයට දැන් ඇවිත් තියෙන බව ජවිපෙ අභයන්තර ආරංචි මාර්ග සදහන් කරනවා.
හරි එහෙනම් ගිහින් එන්නම්.
ජයවේවා.
මිට
රටේ රාළ.
May be an image of 1 person and text that says 'VKAMR2009 AAR 2000 29 SESSIONAL PAPER No SassionALPareNa.1-2000 Na 1 2000 REPORT OF THE COMMISSION OF INQUIRY INTO TH ESTABLISHMENT AND MAINTENANCE OF PLACES OF UNLAWFUL DETENTION AND TORTURE CHAMBERS AT THE BATALANDA HOUSING SCHEME Printod on the Oriders of the Governeent'

Similar Posts

Leave a Reply

Your email address will not be published. Required fields are marked *