|

ජවිපෙ ගෙනා අර්බුදයේ තරම – රටේ රාළ

ජවිපෙවත්,මාලිමාවත් නොහිතපු වෙලාවක රාජ්‍ය බලය ලැබීම විසින් නිර්මාණය වෙලා තියන අර්බුදයේ ගැඹුර කියවාගන්න හොඳ දේශපාලන කියවීමක් තියන කෙනෙකුට හැර සාමාන්‍ය බයියෙකුට බෑ.ඇත්තටම මේ අර්බුදයේ ගැඹුර කොච්චරද කියලා රටට කියන එක ඒක තේරෙන අයගේ වගකීමක්.මොකද බයියන් අතර පරිණාමිකව පහත් බයියෝ වගේම පවතින තත්වය තේරුම් ගන්න පුළුවන් අනුවර්තනීය හැකියාව තියන බයියොත් ඉන්නවා.
බලාපොරොත්තු නැති වෙලාවක ජනාධිපතිධූරය ලැබීම විසින් ජනාධිපති අනුර කුමාර අර්බුදයට ගිහින්.බලාපොරොත්තු නොවුන වෙලාවක ආණ්ඩු බලය ලැබීම විසින් ජවිපෙ – මාලිමා ආණ්ඩුව අර්බුදයකට ගිහින්.ඒ වගේම මේ වෙලාවේ පක්ෂය හරියට මෙහෙයවා ගන්න බැරිව ටිල්වින් ඇතුළු ජනතා විමුක්ති පෙලමුණ අර්බුදයට ගිහින්.අනුර – මාලිමා – ජවිපෙ ආණ්ඩුවට රට හරියට පාලනය කරන්න බැරි නිසා රටත් අර්බුදයට ගිහින්.
ඇත්තටම විසදුමක් පේනතෙක්මානයක නෑ. ඊළඟට මේ කාටවත් තනිවම ගොඩයන්නත් බෑ.ඒ තරමට අර්බුදය එකකට එකක් සම්බන්ධයි. අනුරට තනියම ගොඩ යන්න බෑ.ජවිපෙ – මාලිමා ආණ්ඩුවට අනුර නැතිව ගොඩයෑමක් නෑ.ටිල්වින්ට පක්ෂ දේශපාලන මණ්ඩලය කැදවගන්න බැරිවෙලා.පැයකට දෙකකට වැඩිය ජනාධිපති ඇමතිලා තියාගන්න බෑ.සමහරු එන්නෙම නෑ. දැන් මේ තුන්ගොල්ලෝ ගොඩයන හෝ ඇණගන්න ප්‍රමාණයට සාපේක්ෂව තමයි රටටේ අනාගතය තීරණය වෙන්නේ.තවම නං රටට අනාගතයක් පේනතෙක්මානෙක නෑ.
දැන් විපක්ෂයේ ඉන්න කිසිම කෙනෙක් ආණ්ඩුවේ කකුලෙන් අදිනවා කියලා කියන්න බෑ.කවුරුවත් ආණ්ඩුවට එරෙහිව පාරට බහින්නේ නෑ.තව අවුරුදු පහකට විපක්ෂයට ආණ්ඩුව ගැනීමේ උවමනාවක් නෑ.විපක්ෂය කියන්නෙත් ජවිපෙ බලය ගන්න ඉස්සෙල්ලා ජනතාවට දුන්න පොරොන්දු ඉෂ්ඨ කරන්න කියලයි.ඒ වෙනුවෙන් අවශ්‍ය ඕනිම සහයක් දෙන්න විපක්ෂය සුදානම්. දැන් ප්‍රශ්නය වෙලා තියෙන්නේ ජවිපෙ ඒකට සුදානම් නැති එකයි.
ජවිපෙ තමන්ට බලය එන එකක් නෑ කියලා කවදාවත් කාටවත් කරන්න බැරි පොරොන්දු දුන්නා.බලය ගන්න බැරි අය තමයි ජනතාවට අත දිගෑරල පොරොන්දු දෙන්නේ.ඒ අසත්තක බොරු පොරොන්දු මතින් බලය ගත්ත අනුරට මාලිමාවේ වැඩපිලිවෙල ඉස්සරහා ගෙනියන්න බැරිව හිරවෙලා.නිකං හිතන්න අනුරගේ Clean Sri Lanka වැඩපිලිවෙල.පළවෙනිදා පටන් ගත්තා දෙවෙනිදා අභාවප්‍රාප්ත වෙලා.දැනට Clean Sri Lanka නිසා ආණ්ඩුවත් එක්ක කීදෙනෙක් තරහා වෙලාද?
අඩුම ගානේ පළවෙනිදායින් පස්සේ උත්සවයකට ගිය මොන ඇමතිද ඒ ගැන කථා කලේ.දෙවෙනිදා අපේක්ෂා රෝහලේ ගොඩනැගිල්ලක් විවෘත කරන්න ගිය සෞඛ්‍ය ඇමති නලින්ද ඒ ගැනද කතා කළේ නෑ.නලින්ද කළේ කතරගම දෙයියෝ ඇතුළු තිස්තුන් කෝටියක් දෙවිවරුටත් බැනලා. ගොඩනැගිල්ල හදන්න සල්ලි එකතු කරලා දුන්න බස්නායක නිලමෙටත් කැපිල්ලක් දාලා.ඉදිරියේදී උදව් කරන්න හිතන අයටත් ඒක එපා කරවපු එකයි.
රටේ රාළ කියන්නේ දෙවෙනිදා වෙන්කොට Clean Sri Lanka නලින්දගෙන් හැලිලා.නැත්තං නලින්ද කියන්න ඕනි Clean Sri Lanka යටතේ කොහොමද අපේ සෞඛ්‍ය පද්ධතියට නැගිටින්නේ කියලා. රජයේ මාධ්‍ය ප්‍රකාශකටත් එහෙම එකක් නැත්තං කුරුණෑගල බුරම්පි මාමට කොහොමවත් එහෙම අදහසක් තියෙන්න විදිහක් නෑ.ඇත්තටම මේක නලින්දගේ පෞද්ගලික වැරැද්දක් නෙවෙයි. නලින්දට නෙවෙයි අනුර කුමාරටවත් ඔතනින් එහාට කතාවක් නෑ.ඒකට හේතුව තමයි මේවා කරන්නේ කිසිම අයිඩියෝලොජි එකක් නැතිව.
නිකං හිතන්නකෝ Clean Sri Lanka එකට එහෙම එකක් තියනවා නං දැන් ඒ ගැන දැවැන්ත සංවාදයත් රාජ්‍ය පැත්තෙන් හදන්න ඕනි.නලින්ද එයා යටතේ තියන මාධ්‍ය පාව්චිචි කරලා ඒ වෙනුවෙන් ජාතික මතවාදයක් හදන්න ඕනි. පළවෙනිදා Clean Sri Lanka වැඩපිලිවෙල එළි දක්වලා ඔක්කොම ගුහා ගත උනා Clean Sri Lanka වැඩපිලිවෙල දිවංගත වුනා.දැන් අනුරටත් Clean Sri Lanka පැත්තකින් තියලා අයවැයට බහින්න ඕනි.
හැබැයි Clean Sri Lanka වැඩපිලිවෙලේ ජනාධිපති කාර්ය සාධක බළකායට නෑකමට ඇවිත් ඉන්න අයටවත් Clean Sri Lanka ගැන මෙලෝ දෙයක් දන්නේ නෑ.නෑකමට ආවා කිව්වම අනුරගේ කියලා හිතන්න එපා.ඒ ගැන දන්නෝ දනිති.ඒක නිසා රටේ රාළ අහන්නේ අයවැය එනකං මොන Clean ද කියලයි.ඔය පොටෝ ටිකක් ගහගන්න ඕනි නං තැන් දෙක තුනක ඇමතිලා ශ්‍රමදාන දෙක තුනක් කරලා,වැවකට බැහැලා පොඩි සුද්ද කිරීමක් වගේ කරයි.ඊට වැඩිය දෙයක් නං වෙන්නේ නෑ.
ඒත් කමක් නෑ කියමුකො අඩුම ගානේ තමන්ට දීලා තියන අමාත්‍යාංශය හරි හරියට කරනවා නම්.පාර්ලිමේන්තුවේ කීයෙන් කීදෙනාද අඩුම ගානේ යමක් කරන්න උත්සහ කරන්නේ.සමහරක් ඇමතිවරු තමන්ගේ අමාත්‍යාංශය නියෝජ්‍ය ඇමතිට බාරදීලා ස්පෙයා වීල් එකත් එක්ක ටුවර් යනවා.සමහරු කරටි කැඩෙන්න ගහන ගමන් ඇතුලට එන අයට ෆොන් ගේන්න එපා කියලා නීතිත් දානවා.රටේ රාළ තවමත් නම් කියන්න පටන් ගත්තේ නෑ.
හැබැයි අපි නොකිව්වත් ළඟදී නම් ගම් විතරක් නෙවෙයි පොටෝ පවා එලියට එයි.හැබැයි තවමත් අනුරට මේවා චෙක්වෙලා නෑ.වැඩක් කරන්න උත්සහ කරන අය ඉන්නවා.හදුනෙත්ති,චතුරංග, හරිනි,විදුලි බල ඇමති වගේ අය යම් උත්සහයක් දරන බව පේනවා.හරි ගියා හෝ වැරදුනා උත්සහ කරන එකේ වැරැද්දක් නෑ.ඇත්තටම ජවිපෙ මෙතනදී තේරුම් ගන්න ඕනි දෙයක් තියනවා.
ජවිපෙ සහ මාලිමාව මේ කරන්නේ ජීවිතයත් මරණයත් අතර සටනක්.මේ තරගයෙන් එයාලාට පරදින්න බෑ.පැරදුනොත් එයාලට ජනතාව සමාව දෙන්නේ නෑ.ඒ වගේම ජනතාව තව වැඩි දවසක් ඉවසන්නේ නෑ.
හරි එහෙනම් ගිහින් එන්නම්.
ජයවේවා.
මීට

රටේ රාළ.

May be an image of 2 people and text

Similar Posts

Leave a Reply

Your email address will not be published. Required fields are marked *