|

මාලිමා ආණ්ඩුවේ බෙලහීනතාවයට ජනතාව වන්දි ගෙවිය යුතුද? – රටේ රාළ.

රටේ රාළ අනුරගේ ආණ්ඩුවට කියන්නේ බෙලහීන ආණ්ඩුවක් කියලයි.තවමත් රටේ රාළගේ ඒ ස්ථාවරයේ කිසිම වෙනසක් නෑ.මේ දවස්වල පාර්ලිමේන්තුව පැත්තෙන් ඇහෙන පම්පෝරි කතාවලට ඒ ස්ථාවරය වෙනස් කරන්න බෑ. පහුගිය කාලේ මැතිවරණ වේදිකාවල ජවිපෙ සහෝදර,සහෝදරියෝ කියපු බොරු සහ පම්පෝරි කතා ටික ඒ විදිහටම ආයෙත් පාර්ලිමේන්තුවෙන් ඇහෙන්න පටන් අරගෙන.
උදේට.දවල්ට හොඳට කළා.හොඳ තේ පැන් සංග්‍රහ දෙකක් විතර බුක්ති විදලා,AC පිට ජවිපෙ දැන් පම්පෝරි ගහනවා,බොරු කියනවා.දැනට වෙලා තියෙන්නේ ජවිපෙ බොරු කියපු තැන විතරක් වෙනස් වෙලා.හැබැයි බොරු කියන එක වෙනස්වෙලා නෑ.ජවිපෙ ආණ්ඩුව බෙලහීනයි කියලා රටේ රාළ කියන්නේ බොරු කියන හින්දා නං නෙවෙයි.
එතනදී ඔයාලට එන පළවෙනි ප්‍රශ්නය තමයි විධායක ජනාධිපතිධූරයක් සහ තුනෙන් දෙකක ආණ්ඩු බලයක් තියන ජවිපෙ ආණ්ඩුව කොහොමද බෙලහින වෙන්නේ කියලා.ඇත්තටම බෙලහීන වෙන්න ආණ්ඩු බලයේ දිග,පළල අදාල වෙන්නේ නෑ.මේ ආණ්ඩුව බෙලහීනයි කියලා කියන්න ප්‍රධාන හේතු කීපයක්ම තියනවා.
එකක් මේ ආණ්ඩුවට කියලා ප්‍රතිපත්තියක් නෑ. ප්‍රතිපත්තියක් නැතිකම විසින්ම ඊට අනුව හදපු වැඩපිලිවෙලක් නෑ.තියෙනවා කියන මොකක් හරි ප්‍රතිපත්තියක් සහ වැඩපිලිවෙලක් තියනවා නං ඒක අනිවාර්යයෙන්ම ඇහින්දාස් එකක්.එහෙමත් නැත්තං කොපියක්.අනුර ගෙනියන්නේ රනිල්ගේ ප්‍රතිපත්තිය උනත් අනුරට ඒකට අනුව වැඩ කරගෙන යන්න හරිහමන් අවබෝධයක් නෑ. ආණ්ඩුව පට්ට අකාර්යක්ෂමයි.කළමණාකරණය බින්ලුවයි.
හැම ආයතනයක් ඇතුලේ අරාජිකත්වය වේගයෙන් පැටව් ගසමින් තියනවා.රාජ්‍ය පරිපාලනය ඇතුලේ ලොකුම අවුල හැදුවේ අනුර. බලය අරන් දවස් 75 ක් වෙලත් තවමත් මෙයාලා කතාකරමින් ඉන්නේ කන බොන හැටි ගැන,නිල වාහන.නිල නිවාස ගැන.පැන්ෂන් ගැන,මන්ත්‍රී වරප්‍රසාද ගැන.රට හදනවා නම් තවදුරටත් ඔය වගේ ගැලරි දේශපාලනයක් කරන්න බෑ.
කාර්තුවෙන් කාර්තුව ඉලක්ක හදාගෙන දුවන්න ඕනි.එහෙම මොකුත් නෑ.මේ ආණ්ඩුව ලොකුම project එකක් විදිහට කියන්නේ රජයේ සුඛෝපබෝගී වාහන ටික වෙන්දේසි කරන එක. ඇත්තටම ඒක මහ ග්‍රාම්‍ය සංකල්පයක්.ඔය වැඩෙන් විශාල නිළධාරීන් පිරිසක් අධෛර්යමත් වෙනවා.අනුරගේ ආණ්ඩුව ඔය වැඩෙන් ලොකු ඇණ ගැනිල්ලක් ඇණ ගන්නවා.ජනතාවට හාල් ටික,පොල් ටික ඇතුළු අත්‍යවශ්‍ය භාණ්ඩ ටික මුදලට සපයන එකත් මේ ආණ්ඩුවට දැවැන්ත අභියෝගයක් වෙලා.
ජවිපෙ කොහොමද මෙහෙම රටක් පාලනය කරන්නේ.දුෂිත ව්‍යාපාරිකයන් සහ දුෂිත නිළධාරීන් දැන් මෙයාලගේ නහය විඳලා ඉවරයි. රටේ රාළ දිගටම කිව්වේ ලබන අයවැයෙන් පස්සේ මේ රටට එන්නේ අති දුෂ්කර වගේම අතිශය විඩාබර කාලපරිච්ඡේදයක් කියලයි.මේ අවුරුද්දේදී හොයා ගන්න ඉලක්ක කරපු බදු ආදායමවත් හොයාගන්න බෑ.
එහෙම තත්වයක් යටතේ තමයි ලබන අවුරුද්දේ පෙබරවාරි අයවැය හදන්න වෙන්නේ.දේශීය ආදායම් දෙපාර්තමේන්තුවට මේ අවුරුද්ද අවසානයේදී බලාපොරොත්තු උන බදු ආදායම රුපියල් බිලියන 2000 කට වඩා ඉහල අගයක්.
හැබැයි ගිය නොවැම්බර් 30 වැනිදා වෙනකොට දේශීය ආදායම් බදු දෙපාර්තමේන්තුව උපයාගෙන තියෙන්නේ රුපියල් බිලියන 1,893.4 ක බදු ආදායමක් විතරයි.බදු ගෙවන්නන්ගෙන් දේශීය ආදායම් දෙපාර්තමේන්තුවට ලැබීලා තියෙන්නේ රුපියල් බිලියන 1,799.5 ක බදු ආදායමක් විතරයි. ඒ කියන්නේ නොවැම්බර් 30 වෙනිදාට අපේක්ෂිත බදු ආදායම රුපියල් බිලියන 93.9 කින් අඩුවෙලා
මේ අවුරුද්දේ නොවැම්බර් මාසයේදී දේශීය ආදයම් දෙපාර්තමේන්තුව රුපියල් බිලියන 290 ක බදු අදායමක් බලාපොරොත්තු වෙලා තිබුනත් ඇවිත් තියෙන්නේ රුපියල් බිලියන 220 ක බදු ආදායමක් විතරයි.මේ තත්ත්වය උඩ මේ අවුරුද්දේ අවසානය වෙනකොට දේශීය ආදායම් දෙපාර්තමේන්තුවට රුපියල් බිලියන 2,000 ක ඉලක්කයට එන්න බෑ.
ඒ වගේම රේගුවේ සහ සුරා බදු දෙපාර්තමේන්තුවේ වාර්ෂික බදු ඉලක්කත් මෙහෙම උනොත් ලබන අයවැයෙන් රාජ්‍ය සේවක වැටුප් වැඩි කිරීම සහ ජනතාවට බදු සහන දෙන එක ප්‍රශ්නයක්.බදු ටිකවත් හරියට එකතු කරගන්න බැරි නං එතනින් එහාට යන්නේ කොහොමද?ජවිපෙ කියපු 76 අවුරුදු සාපය නං යන්තං ඉවරයි.දැන් අලුත් සාපයක් පටන් ගන්නද හදන්නේ.ඇත්තටම ඔය ග්‍රාම්‍ය ලක්ෂණත් එක්ක මේ රටේ අලුත් දේශපාලන පරිච්ඡේදය ලියන එක ජවිපෙට දැවැන්ත අභියෝගයක්.
හරි එහෙනම් ගිහින් එන්නම්.
ජයවේවා.
මීට

රටේ රාළ.

May be an image of 9 people, wedding and dais

Similar Posts

Leave a Reply

Your email address will not be published. Required fields are marked *