|

සජිත්ට ෆෝම් වෙන් නැත්තේ ඇයි? – රටේ රාළ

පහුගිය ජනාධිපතිවරණයේ තිබුණ ඡන්ද උණුසුම මහ මැතිවරණයේ දකින්න නැති බව ඔයාලත් පිලිගන්නවා ඇති.මේ මැතිවරණ සටනෙත් ඉස්සරහින් ඉන්නේ මාලිමාව.ගිය ජනාධිපතිවරණයේදී මාලිමාව එක්ක කරට කර සටනක් දුන්න සජබය සහ සිලින්ඩරය සෑහෙන දුරට පහුබැහැලා.අනුර ජනාධිපති විදිහට මේ මැතිවරණයේදී තමන්ගේ අපේක්ෂකයෝ ටික දිනාගැනීම වෙනුවෙන් ලොකු සටනක් කරනවා.
රනිල් දේශපාලනයෙන් සමු අරන් නැතත් එජාප සම්ප්‍රදාය අනුව ජනාධිපතිධූරයක් දරලා ඊට පහල තනතුරකට තරඟ නොකරන බවයි කියන්නේ.රනිල් මුලදී කොට අදින්න බෑ කිව්වට ටෙම්පරියක් අදින්න ආවොත් නොඇද ඉන්න එකකුත් නෑ කියලා රනිල්ගේ හැසිරුමෙන් පේනවා.අනූරත් එක්ක ජනාධිපතිවරණයට තරඟ කරලා පරදා උන සජිත්,දිලිත් මේ මැතිවරණයට තරඟ කරනවා.
සජිත් කොළඹින් සහ දිලිත් ගම්පහින් තරඟ කරනවා.කොළඹ සජිත් හිටියා කියලා කැම්පේන් එක ලොකුවට යන බවක් පේන්නේ නෑ.කොළඹ සජබ ආධිපත්‍යය දරන්නේ හිරුණිකා බවයි බැලූ බැල්මට පේන්නේ.අනුර මේ පාරත් ජනාධිපතිවරණයේදී වගේ Stage show වලට මුල් තැන දීලා තියනවා.ඒක නිසා අනෙක් කැම්පේන්වලට වඩා මාලිමාවේ කැම්පේන් එක කැපිලා පේනවා.
කොළඹ දිස්ත්‍රික්කයේ සිලින්ඩරය උනත් ලොකු සටනක නෑ.සාගල සහ සුසිල් වගේ ජේෂ්ඨයෝ ලයිස්තුවේ හිටියට කවුරුත් ඇඟට අරන් දුවන පාටක් පේන්නේ නෑ.ගම්පහ දිස්ත්‍රික්කයේ මාලිමාව ඇරුණම කැපීපෙනෙන ඡන්ද සටන කරන්නේ නිමල් ලන්සා.ජනාධිපතිවරණයේදී ලන්සා ලොකු මතවාදී ප්‍රහාරවලට ආවේ නෑ. සිලින්ඩරයේ ජනාධිපතිවරණ රැලිවලට ලන්සා ගොඩක් වෙලාවට දායක උනේ සංවිධායකයෙක් විදිහට.
හැබැයි මේ මැතිවරණයේ ලන්සා සැලකිය යුතු මතවාදී සටනකුත් දෙනවා.ලන්සගේ පැත්තෙන් මාලිමාවට සහ සජබයට ප්‍රබල විවේචනයක් එල්ල කරනවා.එක පැත්තකින් සජිත් එරෙහිව ප්‍රධාන විපක්ෂයේ රෝල් එක අතට ගන්න ලන්සලා ලොකු සටනක් දෙනවා.ඒ වගේම ජනාධිපතිවරණයේදී අනුරලා රටට දුන්න පොරොන්දු ඉෂ්ඨ නොකර රනිල්ගේ වැඩපිලිවෙල කර තියාගෙන යන එක ගැන සහ මාලිමාවේ වැඩපිලිවෙල මොකද්ද කියන එක ගැන ලොකු ප්‍රශ්න කිරීමක් ලන්සලාගේ පැත්තෙන් කරනවා.
කොළඹ සහ තදාසන්න දිස්ත්‍රික්කවල ඡන්ද උණුසුම් අඩුවක් තිබුණට වතුකරයේ තත්වය නං දවසින් දවස උණුසුම් වෙන බව පේනවා. වතුකරයේදී මේ පාර තොන්ඩමන්ලා තරඟ කරන්නේ අලියා ලකුණින්.දිගම්බරම්ලා පුරුදු විදිහට සජබය යටතේ තරඟ කරනවා.වෙනදා වගේම තොණ්ඩලා සහ දිගාලා අතර යන ගල උඩ සටන මේ පාරත් වතුකරයේ දකින්න පුළුවන්.ඒ වගේම තොන්ඩමන්ලාගේ සහ දිගම්බරම්ලගේ රණ්ඩුව අතර මැදින් ඉඳන් මාලිමාවේ අම්බිකාලත් ලොකූ සටනක් දෙනවා.
අම්බිකා කියන්නේ මාලිමාවෙන් බදුල්ල දිස්ත්‍රික්කයට තරඟ කරන පීඩිත පන්තියේ තරුණියක්.ඇත්තටම තොණ්ඩලා,දිගාලලාට වගේම මේ පාර අම්බිකාලටත් වතුකරයේ ඉඩක් පැහැදිලිවම තියනවා.මේ මැතිවරණය සළකද්දී ජාතික වශයෙන් කැම්පේන් එකක් මෙහෙයවන අනිත් කණ්ඩායම බවට පත්වෙලා තියෙන්නේ දිලිත් ජයවීර නායකත්වය දෙන සර්වජන බලය සන්ධානයයි.
දිලිත් දිස්ත්‍රික්ක පුරා යමින් සංවිධාන කටයුතු කරන බව පේනවා.ඒ වගේම රන්ජන්ගේ එක්සත් ප්‍රජාතන්ත්‍රවාදී හඩ සහ උවිඳු විජේවීරගේ දෙවන පරපුරත් මැතිවරණය ඇතුලේ තමන්ගේ ස්ථානය වෙන් කරගැනීම සදහා ලොකු තරඟයක් දෙන බව පේනවා.ඒත් ඒ උත්සාහයන්ගෙන් මැතිවරණ සටනේ මේ තියන උදාසීන බව නං පහව ගිහින් නෑ.ඇත්තටම මේ උදාසීන බවට ප්‍රධාන හේතුව තමයි සජබය ප්‍රමාණවත් සටනක් නොදෙන එක.
සජිත් අගමැති අපේක්ෂකයා විදිහට නම් කරගත්තත් ඊට ගැලපෙන සටනක් දෙන්නේ නෑ. ගොඩක් අයගේ අදහස වෙලා තියෙන්නේ සජිත් අගමැති සටන අත්හැරලා කියලයි.අනුරත් එක්ක ජනාධිපතිවරණ සටනෙන් පැරදුන සජිත් හරිනි එක්ක කරන අගමැති සටනිනුත් පරාජය පිලි අරන් වගේ.සජිත් කියන්නේ සාමාන්‍යයෙන් තමන්ගේ තනතුර වෙනුවෙන් මරාගෙන මැරෙන චරිතයක්.
එහෙව් සජිත්ට මොකද්ද වෙලා තියෙන්නේ කියන ප්‍රශ්නය දැන් කවුරුත් අහනවා.රටේ රාළ නං හිතන්නේ සජිත් අඩි කීපයක් පස්සට ගිහින් කියලයි.ඇත්තටම සජබය තියෙන්නේ ගිනි කන්දක් උඩ.ඒක ඕනි වෙලාවක පුපුරලා ලාවා එලියට එන්න පුළුවන්.මේ දක්වා උන පිපිරීම්වලින් සජබයට වගේම සජිත්ටත් සෑහෙන්න ලොකු ඩැමේජ් එකක් වෙලා ඉවරයි. සජිත්ගේ ලයිස්තුවල ඉන්න ගමන් තරඟයෙන් ඉවත් උන කීපදෙනෙක්ම දැනටත් ඉන්නවා.
සජිත් තවදුරටත් බයිබොස් දාන්න ගියොත් තවත් ඒ වගේ ඩැමේජ් ගොඩක් තවත් වෙන්න පුළුවන්. මීට කලින් ලිපිවල රටේ රාළ කිව්වේ මේ මැතිවරණය ඇතුලෙම සජබය දෙකට බෙදෙනවා කියලයි.අද වෙනකොට එක ලයිස්තුවේ හිටියත් සජබෙ ඉන්නේ දෙකට බෙදුන කණ්ඩායමක්. ගොඩක් දෙනෙක් සජබය ගැනවත් සජිත් ගැනවත් දැන් විශ්වාස කරන්නේ නෑ.එයාලා තමන්ගේ මන්ත්‍රීධුරය ගැන විතරක් විශ්වාස කරලා කැම්පේන් එක තනියම කරනවා.කොහොම උනත් මේ වගේ මැතිවරණ මොහොතක ඒ කණ්ඩායම් දෙක දෙකට බෙදා පෙන්නන එක හරි නෑ.
ඒත් සජබය ඇතුලේ තියෙන්න ඕනි මතවාදී සහ සංවිධානමය එකගතාවයන් තියාගන්න පක්ෂ නායකයා විදිහට සජිත්ට සහ පක්ෂ ලේකම් රංජිත් මද්දුම බණ්‌ඩාරටත් බැරිවෙලා තියනවා. ඒක නිසා මේ මැතිවරණයේ ඡන්ද ප්‍රතිපලය සජිත්ගේ යහපතට නං හේතු වෙන්නේ නෑ.ඒක දැනගෙනද කොහේද සජිත්ගේ පැත්තේ කිසිම ෆෝම් එකක් ඇත්තේම නෑ.
හරි එහෙනම් ගිහින් එන්නම්.
ජයවේවා.
මීට

රටේ රාළ.

May be an image of 1 person

Similar Posts

Leave a Reply

Your email address will not be published. Required fields are marked *