|

මාස තුනෙන් වෘත්තීය ගැටළු සියල්ල ඉවරයි, ඉවසපල්ලා – රටේ රාළ

” ඉතිහාසයේ පලමු වතාවට මෙරට පීඩිතයන්ගේ සහ ප්‍රගතිශීලීන්ගේ ආණ්ඩුවක් ඉදිරි මාස දෙක ඇතුලේ බිහිවෙනවා ” කියලා ජාතික ජන බලවේගයේ විධායක සභික කේ.ඩී. ලාල්කාන්ත කියනවා.ඒ ආණ්ඩුවෙන් වෘත්තීය සමිති නියෝජිතයන්ගේ සියලු ගැටලුවලට විසඳුම් දෙන හින්දා මේ මාස දෙක තුනේදී කිසිම වැඩ වර්ජනයක් කරන්න එපා කියලත් ලාල් කාන්ත කියනවා.
ලාල් ඔය කියන්නේ මාලිමාවේ ජනාධිපති අපේක්ෂක අනුර කුමාර යටතේ පිහිටවන මාලිමා ආණ්ඩුව ගැන වෙන්න ඕනි.හැබැයි ලාල්ට ඔය කතාව කියන්න තිබුණේ දැනට අවුරුදු දෙක තුනකට උඩදී.හරි නං ඔය කතාව ලාල් කියන්න ඕනි කොරෝනා වසංගතයට රට ගොඳුරු වෙලා නන්නත්තාර වෙලා තිබුන වෙලාවේ.මොකද රටේ ආර්ථිකය බරපතල විදිහට කඩා වැටෙන්න පටන් ගත්තේ කොරෝනා වසංගතයත් එක්ක.
රට බංකොලොත් වෙන්න කොරෝනා බලපෑවේ නැතත් රට ආර්ථික අඝාදයකට තල්ලු කරන්න කොරෝනා වසංගතයත් තදින් බලපෑවා.එදා කොරෝනා වසංගතය ඇතුලේ සෞඛ්‍ය අංශ දුන්න උපදෙස් නොතකා ජවිපෙ වෘත්තීය සමිති ගුරුවරු පාරට ගත්තා.ඒක පැත්තකින් ඒ ගුරු විදුහල්පතින්ගේ ජීවිත අවදානම ගැන ජවිපෙ තැකුවේ නෑ.අනිත් පැත්තෙන් ඒ ගුරුවරු රට පුරා කොරෝනා බෙදන රෝග වාහකයෝ වෙන බව ජවිපෙ හිතුවෙත් නෑ.
ඇත්තටම හිතුවේ නෑ නෙවෙයි ජවිපෙට ඒවා ගාණක් නෑ.කාගේ හරි මළ මිනියක් උඩින් හරි තමන්ගේ වැඩේ කෙරෙනවා නං ජවිපෙට ඒ ඇති.එදා මෙදා තුර ජවිපෙ මේ රටේ උද්ඝෝෂණ,වැඩවර්ජන කීයක් නම් කළාද?කීපාරක් නං කොළඹ වටලන්න ආවාද?ඒ කරපු හැම උද්ඝෝෂණයකින්ම ලොකු පාඩුවක් රටට සිද්ධවුනා.රටේ ජාතික ආර්ථිකයට දැවැන්ත පාඩුවක් වුනා.ජීවිත කීපයකුත් නැතිවුනා.එක තැනකදී කඳුළු ගැස් එකක් ළඟින් ගිහින් අනුර ගෙවල් දොරවල් පෙරාගෙන දුවපු හැටිත් අපි දැක්කා.
එතන හිටිය ටිල්වින් සහ ලාල් එකපාරට අතුරුදහන් වුනා.පහුගිය ආසන්න කාලේ ජවිපෙ මැදිහත් වෙලා අපේ පාසැල් පද්ධතිය අවස්ථා දෙකකදී අකර්මණ්‍ය කළා.ඒ වගේම මේ ආසන්න දවස් දෙකකදී රාජ්‍ය සේවය සම්පුර්ණයෙන්ම අකර්මණ්‍ය කළා.ඒක පැත්තකින් පාසැල් ලමයින්ගේ අධ්‍යාපන ක්‍රියාවලිය කඩා වැට්ටුවා. අනිත් පැත්තෙන් රාජ්‍ය සේවය අකර්මණ්‍ය කරලා සාමාන්‍ය ජන ජීවිතය අවුල් කළා.මේ හැම දේකින්ම රටට සිද්ධ උන පාඩුව රුපියල් බිලියන ගාණක්.
ජවිපෙ සහ අනෙකුත් වෘත්තීය සමිති අරගෙන ගිය මේ කඩාකප්පල්කාරී වැඩපිලිවෙලට රටේ ජනතාවගෙන් විරොධය එල්ල වෙන්න පටන් ගත්තා.ඒ විරෝධය ඉස්සරහා ජවිපෙට අඩිය පස්සට ගන්න සිද්ධවුනා.දැන් ජවිපෙ කියනවා ඉදිරි මාස තුන ඇතුලේ පීඩිතයන්ගේ සහ ප්‍රගතිශීලීන්ගේ ආණ්ඩුවක් පිහිටුවනවා ඒ ආණ්ඩුව යටතේ වෘත්තීය සමිති නියෝජිතයන්ගේ ප්‍රශ්න විසඳනවා කියලා.ඒක නිසා මේ මාස දෙක තූනේ වැඩවර්ජන කරන්න එපාලු.
පහුවෙලා උනත් ලාල්ලා ඇවිත් තියෙන්නේ හොඳ තීරණයකට.හැබැයි මෙහෙම ප්‍රශ්නයක් මෙතන තියනවා.අනුරලා – ලාල්ලා බලය ගත්තට පස්සේ ඒ ප්‍රශ්න විසදන්නේ කොහොමද කියලා කියන්නේ නෑ.ඇත්තටම ඒ ප්‍රශ්න විසදන්න සල්ලි ඕනි. හැබැයි සල්ලි හොයන විදිහ ලාල් කියන්නේ නෑ. මොකද දයාශාන් අයියගෙන් ඉල්ලගෙන මේ ප්‍රශ්න විසඳන්න බෑ.වෘත්තීය සමිතිවල එක ඉල්ලීමක් ඉෂ්ඨ කරන්න බිලියන ගාණක් යනවා.
ලාල්ලගේ රාජ්‍ය සේවයේ වෘත්තීය සමිතිවල එක ඉල්ලීමක් තමයි රජයේ සේවක වැටුප රුපියල් 25000 කින් වැඩිකිරීම.ඒ ඉල්ලීම විතරක් ඉෂ්ඨ කරන්න රුපියල් බිලියන සිය ගණනක් යනවා. එතකොට කොහෙන්ද ඒ සල්ලි හොයන්නේ. එක්කෝ ජනතාවගෙන් බදු විදිහට ගන්න ඕනි. නැත්තම් කොහෙන් හරි ණයට ගන්න ඕනි. නැත්තං සල්ලි අච්චු ගහන්න ඕනි.අපේ රටේ ජනතාවට තවත් බදු පටවන්න පුළුවන් කියලා රටේ රාළ නං හිතන්නේ නෑ.
හරි නං දැන් කරන්න ඕනි ජනතාව මත පටවලා තියන බදු අඩුකරන එකයි.බදු අඩුකරන්න නං අපිට වෙනත් ආදායම් තියෙන්න ඕනි.ණය ගැනීම හැර වෙනත් ලොකු ආදායමක් අපට නෑ.ආදායම් හදාගන්න උනත් කාලයක් යනවා.තව මාස තුන හතරකින් වෘත්තීය සමිති නියෝජිතයින්ගේ ප්‍රශ්නය විසඳනවා කිව්වට විසදන්න කොහොමද කියලා ලාල් කියන්නේ නෑ.හැබැයි විජිතලා, හරිනිලා කියන්නේ ලාල් කියන කතාවට හාත්පසින්ම වෙනස් කතාවක්.
විජිතයි,හරිනියි කියන්නේ මාලිමාව බලයට පත්වුනා කියලා ප්‍රාතිහාර පාන්න බෑ කියලයි. දැනට බොන කිරි තේ එක වෙනුවට කහට කෝප්පයක් හරි බීලා කැපකිරීමෙන් වැඩ කරන්න කියලයි.දැන් බොන කිරි තේ එක හරි ප්ලේන්ටිය හරි නැතිකරගෙන කහට එක බීලා මොකක්ද කරන්න ඕනි කියලා එයාලා කියන්නේ නෑ.රටක් ගොඩගන්න රටේ ජනතාව කැපකිරීම් කරන්න ඕනි.ඒ සම්බන්ධව විවාදයක් අපට නෑ.
හැබැයි මොකක් වෙනුවෙන්ද කැපකිරීම් කරන්නේ.කෝ ඒකට සැලැස්මක්.කෝ වැඩපිලිවෙලක්.රටක් ගොඩනගන්න කැපකිරීම් වගේම නිවැරදි සැලසුම් ඕනි.තවම තමන්ගේ වැඩපිලිවෙල මොකද්ද කියලා රටට කියාගන්න බැරි මාලිමාව ජනතාවට කැපකීරීම් කරන විදිහ කියාදෙන්න පටන් අරන්.සමහරවිට මෙහෙම වෙන්න පුළුවන්.හරිනිලා,විජිතලා මොනවා කිව්වත් ලාල්ට එහෙම මුදල් හොයන සැලැස්මක් තියනවා වෙන්නත් පුළුවන්.
ඒ දවස්වල ලාල් කිව්ව ගාල්ලේ ඉඳන් කොළඹට මාසයක් තිස්සේ එන ආලිංගන පෙරහැර එහෙම එකක් වෙන්නත් පුළුවන්.මාලිමා ආණ්ඩුවක්ම යටතේ ගණිකා වෘත්තිය නීතිගත කිරීමත් ආදායම් හොයන එක ක්‍රමයක් වෙන්න පුළුවන්.එයාලා කියන්නේ කැපකිරීම් කරන්න ඕනි කියලනේ. එයාලා කියන විදිහට ගණිකාවක් වෙන්න හිත හදාගන්නවා කියන්නෙත් ලොකු කැපකිරීමක් තමයි.
හරි එහෙනම් ගිහින් එන්නම්.
ජයවේවා.
මිට
රටේ රාළ.
May be an image of 1 person and text

Similar Posts

Leave a Reply

Your email address will not be published. Required fields are marked *