|

රනිල්ගෙන් රාජපක්ෂලා ගැලවීම අවුලක්ද? – රටේ රාළ

පොදුජන පෙරමුණ ඉදිරි ජනාධිපතිවරණයට අපේක්ෂකයෙක් දාන්න තීරණය කරණවාත් එක්ක රාජපක්ෂලා නොහිතපු ප්‍රතිචාරයක් පොහොට්ටුව ඇතුලෙන් එන්න පටන් අරන්.රටේ රාළ කිව්වේ පැය 24 ක් ඇතුළත පොහොට්ටුව දෙකඩ වෙනවා කියලයි.දැන් පොහොට්ටුව දෙකඩ වෙලා ඉවරයි.පොහොට්ටුවේ පාර්ලිමේන්තු නියෝජනය 100 ට 30 අනුපාතයෙන් රනිල් සහ රාජපක්ෂලා අතර බෙදීගිහින්.
ඇත්තටම රාජපක්ෂලා යටත් වෙන්න තවමත් ඉඩ තියනවා.දැන් රාජපක්ෂලා යටත් වෙනවා නම් ඒකටත් නෝ චාන්ස්.මෙතනින් උන හොඳම දේ තමයි රනිල්ගේ කැම්පේන් එක හයිජැක් කරන්න දැන් රාජපක්ෂලාට බෑ.දැන් මේ කඳවුර ඇතුලේ සෙල්ලම් දාන්න රාජපක්ෂලාට බෑ.” රනිල් රාජපක්ෂ රනිල් වික්‍රමසිංහ කිරීම ” ලිපියෙන් රටේ රාළ කිව්වේ රාජපක්ෂලා කරපු කුමන්ත්‍රණය ගැනයි.
ඇත්තටම මේ කුමන්ත්‍රණය පිටි පස්සේ ජාත්‍යන්තර බලවේගයත් ඉන්නවා.එයාලට ඕනි අපේ රට අස්ථාවර කරන්න.ඒ අස්ථාවරත්වය නිර්මාණය කරන්න නං රනිල්ගේ පාලනය අවසන් කරන්න ඕනි.මේක සරළව තේරුම් ගන්න පුළුවන්.දැන් රාජපක්ෂලාගේ හතුරාවෙලා තියෙන්නේ රනිල්.සජිත්ගේ හතුරත් රනිල්, අනුරගේ හතුරා වෙලා තියෙන්නෙත් රනිල්.
රනිල් දැන් අපේ රටේ දූෂිත සහ විනාශකාරී බලවේග තුනක පොදු හතුරා වෙලා.රනිල්ව පරද්දන්න මේ බලවේගවලට කරන්න වැඩ දෙකක් තියනවා.එකක් සජබය සහ මාලිමාව අතර එකඟතාවයක් හැදීම.හැබැයි ඒක කරන්න ලේසි නෑ.අනුර සහ සජිත් අතර ඇතිවුන දේශපාලන බලු පොරය විසින් ඒ උත්සාහය දරනන්වත් බැරි තැනකට ඇවිත්.ඊළඟට තිබුණේ රාජපක්ෂලා සහ සජිත් අතර එකඟතාවයක් හදන්න.
හැබැයි ඒකත් හදන්න වෙන්නේ අභයන්තරිකව.වෙන වෙනම තැන් දෙකක ඉඳගෙන එක තැනකට සේවය කිරීමේ ක්‍රියා මාර්ගයක් විදිහට.සජිත් – රාජපක්ෂ ඩීල් එකකට ඕනිම වෙලාවක රාජපක්ෂලා වගේම සජිතුත් කැමතියි.මොකද ඒකෙන් සජිත්ට ජනාධිපතිකම ලැබෙනවා.නාමල්ට මේ පාර ජනාධිපති වෙන්න බැරි උනත් විපක්ෂ නායකයා වෙලා ඊළඟ පාර ජනාධිපති වෙන්න පුළුවන්.
ඒක කරන්න ඕනි එකම දේ රනිල් පරද්දන එක.අන්තිමට වැඩ කළේ ඔය සූත්‍රය.රටේ රාළ ඊයෙම කිව්වේ ඒ සූත්‍රය වැරදියි කියලා.ජාත්‍යන්තර බලවේගවලට අපේ රටේ මැතිවරණවලට බලපෑම් කරන්න පුළුවන්.හැබැයි එයාලට අවශ්‍ය විදිහටම තවමත් අපේ රටේ ජන මනස පාලනය කරන්න බෑ.රාජපක්ෂලාගේ ඉවත්වීම විසින් රනිල්ට හැදෙමින් තියෙන අවකාශය තවත් පළල් වෙනවා.
ප්‍රශ්නය තියෙන්නේ රනිල් වටේට ඉන්න අයට ඒකට ඇඩ්රස් කරන්න පුළුවන්ද කියන එකයි.ඒක නිසා මෙතනදී අපි තේරුම් ගන්න ඕනි වෙන්නේ රනිල් වටේට ගොඩනැගෙන බලවේග මොනවද කියන එකයි.රාජපක්ෂලාගේ ඉවත්වීම හරහා දේශපාලන පක්ෂ ගණනාවක සහය රනිල්ට හම්බවෙයි.ලන්සා – ශ්‍රිලනිප නව සන්ධානය,ප්‍රසන්නලා එක්ක ඉන්න පොහොට්ටුවේ බහුතරය,එජාපය වගේ ඒවා දැනට රනිල් වෙනුවෙන්ම ක්‍රියාත්මකයි.
ඒ වගේම රනිල්ට එරෙහිව සජබෙ,මාලිමාව සහ රාජපක්ෂලාත් ක්‍රියාත්මකයි.ඒකත් කිසිසේත්ම අවතක්සේරු කරන්න බෑ.තවමත් රනිල්ට වඩා සජබය උඩින් ඉන්නවා.මෙතනදී රාජපක්ෂලාත් රනිල්ගේ ගොඩෙන් ඡන්ද කුට්ටියක් කඩා ගන්නවා කියන්නේ රනිල්ව බරපතල අවාසිදායක තත්වයක්.බැලූ බැල්මට ඕනි කෙනෙකුට එහෙම පෙනෙනවා.ගොඩක් අය රටේ රාළගෙනුත් ඇහුවේ රාජපක්ෂලා නැති අඩුව පුරවන්නේ කොහොමද කියලයි.
එහෙමත් නැත්තං රාජපක්ෂලා කඩන ඡන්ද කුට්ය ගන්නේ කොහෙන්ද කියලයි.ඒක පැත්තකින් රාජපක්ෂලාගේ ජාතිවාදය ප්‍රතික්ෂේප කරන පක්ෂවලට රනිල් ළඟට එන්න මේ ඉවත්වීම අවස්ථාව හදලා දීලා තියනවා.ඒ වගේම මෙතනදී රනිල්ට ඇරගන්න තවත් දොරක් තියනවා.ඒ දොර හරියට ඇරගත්තොත් රනිල් අනිවාර්යයෙන්ම දිනුම්.ඒ තමයි සිවිල් සමාජය.
මේ මොහොත වෙනකොටත් සිවිල් සමාජ කණ්ඩායම්වලට තිබුණ ප්‍රධාන ප්‍රශ්නය අහෝසිවෙලා.රාජපක්ෂලා රනිල්ගේ කඳවුරෙන් ඉවත්වෙලා.රාජපක්ෂලාගේ ඉවත්වීම සිවිල් සමාජය දකින්නේ රනිල්ට ලැබුණ plus point එකක් විදිහට.දැන් රනිල්ම මැදිහත් වෙලා සිවිල් සමාජයේ ක්‍රියාකාරී බලවේගය එකතු කරන්න ඕනි.එයාලගෙ ශක්තිය මේ කැම්පේන් එකට එකතු කරන්න ඕනි.යොදා ගන්නවා ඒක නං රනිල්ට තියන ප්‍රබල අවියක්.
එයාලට තමයි රනිල් සහ රනිල් වටේ ඉන්න අයට ඇඩ්රස් කරන්න බැරි සමාජ බලවේගවලට ඇඩ්රස් කරන්න පුළුවන්.ඇත්තටම දේශපාලන පක්ෂයක ලෝගුව දාගන්නේ නැතිව සමාජය ආමන්ත්‍රණය කරන පිරිසක් මේ වෙලාවේ රනිල්ගේ කැම්පේන් එකට අත්‍යවශ්‍යයි.රනිල්ට ඇඩ්රස් කරන්න බැරි ඡන්ද පදනමක් මෙතන තියනවා.විශේෂයෙන්ම ජවිපෙ ඇතුළු වම දාලා ගිය විශාල කණ්ඩායමක් ඉන්නවා.
ඒ වගේම ජාතිකවාදී ඡන්ද පදනමට අද නායකත්වයක් නෑ.ඒ වගේම ආගමික සංස්ථාවන් එක්ක ගැට ගැහුණ සංස්කෘතික ඡන්ද පදනමක් තියනවා.සිවිල් සමාජ හරහා මේවාට ආමන්ත්‍රණය කරන්න බැරි උනොත් මේවායින් විශාල ප්‍රමාණයක් ආපහු ජාතිවාදී මඩ ගොහොරු ඇදගන්න රාජපක්ෂලාට පුළුවන්.රටේ රාළ කියන්නේ රනිල් සියලු බලවේග පාව්ච්චි කරගෙන මේ තත්වය කළමණාකරණය කරනවා නම් මේ ජනාධිපතිවරණයේ වැඩි අවස්ථාවක් රනිල්ට එන එක නතර කරන්න බෑ.
හරි එහෙමනම් ගිහින් එන්නම්.
ජයවේවා.
මීට
රටේ රාළ.
May be an image of 5 people

Similar Posts

Leave a Reply

Your email address will not be published. Required fields are marked *