|

ලන්සා – ශ්‍රිලනිප නව සන්ධානයෙන් යෝධ පිම්මක් – රටේ රාළ

ලන්සා – ශ්‍රිලනිප නව සන්ධානයේ බදුල්ල දිස්ත්‍රික් රැළිය පහුගිය 14 වෙනිදා විල්ස් පාක් ක්‍රීඩාංගණයේදී පැවැත්වුනා.රැළියේ සංවිධානය කටයුතු සහ පිරිස් සහභාගීත්වය සම්පුර්ණයෙන්ම බාර අරගෙන තිබුණේ නිමල් සිරිපාල සහ චාමර සම්පත්.රැලියට එයා ලොකු බරක් දාලා තිබුණ බව පෙනුනා.ලන්සා – ශ්‍රිලනිප නව සන්ධානය නිර්මාණය උනාට පස්සේ එයාලා පවත්වපු තුන් වෙනි රැලිය ඒක.
ඒ වගේම සාර්ථකම රැළියත් ඒක.15000 කට අධික ජන ගඟක් රැලියට සහභාගීවෙලා හිටියා. ජනාධිපතිවරණය ප්‍රකාශයට පත් කරන්න ඉස්සෙල්ලා ලන්සලා කරන අවසන් රැලිය ඒක වෙන්න පුළුවන්.ඊළඟ රැලිය එයාලට කරන්න වෙන්නේ ජනාධිපති අපේකෂකයා කවුද කියලත් කියාගෙන.ඇත්තටම මේ රැලිය පිරිස් බලයෙන් සහ සංවිධානාත්මක බවෙන් ඉහල එකක්.
ලන්සලා මුල ඉඳන් කරගෙන ආපු හැම රැස්වීමකම සංවිධාන පාට් එක සහ සෙනඟ සහභාගීත්වය ඉහල තැනක තිබුණා.බදුල්ල රැලිය වැදගත් වෙන්නේ රැලිය පවැත්වුනේ ජනාධිපතිවරණය ප්‍රකාශයට පත්කරන්න මැතිවරණ කොමිෂමට බලය පැවරෙන ජූලි 17 වෙනිදාට හරියටම දවස් තුනක් තියෙද්දී. මැතිවරණ කැම්පේන් එකත් එක්ක හිතද්දී මේ රැලිය තීරණාත්මක රැළියක්.මේ රැලියේ විශේෂත්වය විදිහට රටේ රාළ දකින්නේ මේක ගොඩක් දෙනෙක්ගේ ඇස් ඇරවපු රැස්වීමක්.
විශේෂයෙන්ම 69 ලක්ෂයේ බලවේගයට සෘජුව ආමන්ත්‍රණය කරපු රැස්වීමක්.වැටිලා හිටිය ඒ බලවේගයේ මොරාල් අප් කරපු රැස්වීමක්.හැබැයි ඊලඟට කොතෙන්ටද කියන පණිවිඩය වේදිකාවෙන් ආවේ නෑ.ඇත්තටම ලන්සලා – ශ්‍රිලනිප නව සන්ධානයෙන් එහෙම මොරාල් අප් කරන බූෂ්ට් එකක් දෙන එක හොඳයි.ඒ වගේම එයාලා වටේටේ එකතු වෙන මේ බලවේගය රඳවා ගැනීමටත් වැඩපිලිවෙලකුත් ඔය එක්කම එන්න ඕනි.මොකද ඡන්ද කාලය තව ගොඩක් දුරයි.
එයාලා ගොඩගහන ඡන්දදායකයා රැක ගැනීමේ වැඩපිලිවෙලක් නැති උනොත් මාලිමාවට වෙචිචි දේම ලන්සලාටත් වෙන්න පුළුවන්.මාලිමාව බලවේගයක් ෆෝම් කරගෙන ආවත් ඒක රඳවා ගන්න සංවිධාන වැඩපිලිවෙලක් එයාලට තිබුණේ නෑ.ආපු රැල්ල ඇතුලේ එයාලා අනුරට කඩේ යන්න මිනිස්සු හෙවිවා මිසක් නිවැරදි මතවාදයක් සමාජගත කළේ නෑ.ඒ එකතු උන බලවේගය රැකගන්න සංවිධාන වැඩපිලිවෙලක් මාලිමාවට තිබුණේ නෑ.
අන්තිමට උනේ අනුරලාගේ පිටිපස්සෙන් ආපු සජිත්ලා,ලන්සලා,දිලිත්ලා මාලිමාවේ රැල්ල කැඩලා දාපු එකයි.මාලිමාවට ආපු ඒ බලවේගය අවශෝෂණය කරගන්න ඒ වෙනකොට වැහැරිලා තිබුණ ජවිපෙට බැරිවුනා.ඉතිහාසයේ මතවාදීමය වශයෙන් සහ සංවිධානමය වශයෙන් මහා වෘක්ෂයක් උන ජවිපෙ අද මාලිමාව ඇතුලේ කේඩෑරි ගැහුණු අරටුවක් නැති ගසක් බවට පත්වෙලා.දැන් මාලිමාව එන ප්‍රමාණයට වඩා මාලිමාවෙන් යන ප්‍රමාණය වැඩියි.
ඒක මාලිමාවට විතරක් නෙවෙයි මැතිවරණ කැම්පේන් එකක් ඇතුලේ නිවැරදි උපක්‍රම තෝරන්න බැරි ඕනිම දේශපාලන පක්ෂයකට ඇත්වෙන්න පුළුවන් ඉරණමක්.ගොඩක් අය හිතනවා ජනතාවට ඇඩිරස් කරගෙන ගියාම ඡන්ද හැදෙනවා කියලා.විශේෂයෙන් වේදිකා ආකෘතිය කියන්නේ ජනතාව එකතු කරන තැනක් මිසක ඡන්ද හැදන තැනක් නෙවෙයි.ඒ එකතු වෙන ජනතාව ඡන්ද බවට පරිවර්තනය කරගන්න නං ඒක පිටිපස්සෙන් යන තවත් මෙහෙයුමක් ඕනි.
ඒක ඔයිට වැඩිය සරල කරන්න පුළුවන්.ඔය ආපු මිනිස්සු 15000 ට නැවත ආමන්ත්‍රණය කරන්න ක්‍රමයක් තියෙන්න ඕනි.ඒක ලොකු රැස්වීම් ආකෘතියක් ඇතුලේ කරන්න බෑ.ඒකට ඔය මිනිස්සු සාකච්ඡාමය ආකෘතියකට ගේන්න ඕනි. ඒකට හොඳමදේ තමයි ගෘහස්ථ සාකච්ඡා.පනහ සීය එකතු කරලා මෝරාල් අප් වෙලා ඉන්න මිනිස්සුන්ට දැනුම දෙන්න ඕනි.රට ඉස්සරහා තියන අභියෝගය ගැන කියා දෙන්න ඕනි.
මේ අභියෝගය ඉස්සරහා රටේ ජනතාවගේම වගකීම මොකද්ද කියන එක පැහැදිලි කරලා දෙන්න ඕනි.ඇත්තටම ඒකට වේදිකා කථිකයෝ හරියන්නේ නෑ.ඒකට ඕනි දේශපාලන ගුරුවරු. ගෘහස්ථ සාකච්ඡා ඇතුලේ වෙන්නේ දැනුම බෙදා හැරිමක්.ඉතා සමීප කවයක් එක්ක මුහුණට මුහුණ කරන සංවාදයක්.ගොඩක් වෙලාවට කථිකයාට ඕඩියන්ස් එකෙන් ප්‍රශ්න යොමුවෙනවා.ඒවා සරලව ලෙහලා දෙන්න පුළුවන් දේශපාලන ගුරුවරු ඉන්න ඕනි.
එහෙම කලොත් එතන ඉඳගෙන ඉන්න අය ඡන්ද බවට පත්වෙනවා විතරක් නෙවෙයි එයාලා තවත් ඡන්ද හදනවා.දැන් ලන්සලා – ශ්‍රිලනිප නව සන්ධානයට එහෙම කන්ෂෙප්ට් එකකුත් ඕනි.දැන් දේශපාලන පිටිය සංකීර්ණ වෙලා.ඡන්දදායකයාට දවසින් දවස වෙනස් වෙනස් මාතෘකා එනවා.රටේ රාළ කියන මේ කතාව ලන්සලාට,දුමින්දලාට, ලසන්තට,වීර කුමාරලාට තේරෙන්න ඕනි.මේ රැලියෙන් උන දේශපාලන බලපෑම ගැනත් විග්‍රහයක් රටේ රාළට තියනවා.
විශේෂයෙන්ම රනිල්ට ශක්තිමත් ආම් කීපයක් ground එකේ හැදෙමින් තියන බව පේනවා. ඒවායින් දැනට තියන ශක්තිමත්ම ආම් එක විදිහට ලන්සා – ශ්‍රිලනිප නව සන්ධානය නම් කරන්න පුළුවන්.මේ බදුල්ල දිස්ත්‍රික් රැලියෙන් රාජපක්ෂලා ගහන කයිවාරු පුස්සක් කියලා ඔප්පු වෙනවා.රනිල්ට සජබෙන් 25 ක් ගලවා ගන්න බැරි උනොත් අපි අපේක්ෂකයෙක් දානවා කියලා වහසිබස් දොඩන රාජපක්ෂලාගේ භූමියේ බලය අහෝසි වෙමින් යන බව පේනවා.
දැන් රාජපක්ෂලා හරි නං කරන්න ඕනි සජබෙන් අච්චර ගන්න මෙච්චර ගන්න කිය කියා තමන්ගේ හෙළුව වහගන්න හදන එන නෙවෙයි. පොහොට්ටුවේ බිම් මට්ටමින් සිද්ධවෙන මේ සෝදාපාලුව නතර කරගන්න මොකක් හරි කරන එකයි.දැන් නං මහින්ද බිමට බැස්සුවත් මේ සෝදාපාලුව නතර කරන්න බෑ.පොහොට්ටුව අහෝසිවීගෙන යනවා කියන එක මේ රැස්වීමෙන් පෙනුනා.ඒ වගේම ශ්‍රිලනිප මෛත්‍රී – විජේදාස පාර්ශවය දැන් අහෝසි වෙලා ඉවර බවත් පෙනුනා.
දැන් මෛත්‍රීට,විජේදාසට ඉන්නේ අතිශයින් පුංචි කවයක් විතරයි.ශ්‍රිලනිප පහල බලවේගය දැන් ලන්සා – නිමල් සිරිපාල නව සන්ධානය වටේට එකතු වෙලා ඉවරයි.
හරි එහෙනම් ගිහින් එන්නම්.
ජයවේවා.
මිට
රටේ රාළ.
May be an image of 15 people

Similar Posts

Leave a Reply

Your email address will not be published. Required fields are marked *