මාලිමාවේ ත්‍රිවිධ හමුදා සාමුහික කුමක් සදහාද? – රටේ රාළ

May be an image of 10 people and text
ජවිපෙ ඉදිරි ජනාධිපතිවරණය කොහොම හරි දිනන්න ඕනි කියන තැන ඉඳන් ක්‍රියාත්මක වෙන එක දැනා කාටවත් රහසක් නෙවෙයි.දැනටමත් දිනලා ඉවරයි කියන අධිතක්සේරුවේ තමයි ජවිපෙ ඉන්නේ.රටේ රාළ නං ජවිපෙ ඒ මෝඩ අධිතක්සේරුව පිලිගන්නේ නෑ.හැබැයි ජවිපෙට අවතක්සේරු කරන්න බැරි බලයක් නිර්මාණය වෙලා තියන එක රටේ රාළත් පිලිගන්නවා.
අද රටේ රාළ කියන්න යන කතාව පදනම් වෙන්නේ ජවිපෙ මේ අධිතක්සේරුව විසින් නිර්මාණය වෙමින් තියන තවත් විනාශකාරී පැත්තක් ගැනයි.ජවිපෙ තමන්ගේ ජයග්‍රහණය තහවුරු කරගන්න විවිධ උපක්‍රම තෝරමින් ඉන්නවා.ඒවායින් උද්ඝෝෂණ,වැඩවර්ජන,පක්ෂ සමුළු, කාන්තා බල මණ්ඩල කියන්නේ ජවිපෙට විශේෂ දේවල් නෙවෙයි.
ජවිපෙ එයාලගේ මැතිවරණ සිතියමට ගෙනාපු අලුත්ම ආකෘතිය තමයි ත්‍රිවිධ හාමුදා සාමූහික ගොඩනැගීම.ඒකේ අලුත් වගේම සැක කටයුතු බවකුත් තියනවා. රටේ රාළ බළකාය ඉතා සමීපව ත්‍රිවිධ හමුදා සාමූහිකවල ක්‍රියාකාරීත්වය අධ්‍යයනය කරමින් ඉන්නවා.මේවා ඇතුලේ ඉන්නේ විශ්‍රාමික ත්‍රිවිධ හමුදා නිලධාරීන්.ඒ වගේම 88/89 මර්ධනය කාලේ ක්‍රියාන්විත රාජකාරිවල හිටපු නිළධාරීන් බහුතරයක් ඉන්නවා.
දිස්ත්‍රික්ක මට්ටමෙන් ගොඩනගන හමුදා සාමුහිකවල සම්බන්ධීකරණය මාලිමාවේ අයට දීලා නෑ.ඒවා තියෙන්නේ ජවිපෙ දිස්ත්‍රික් ලේකම් අතේ.දිස්ත්‍රික් ලේකම්ලා ප්‍රධාන ලේකම් හරහා ජවිපෙ දේශපාලන මණ්‌ඩලයට ගැට ගැහෙනවා.පෙනුමට බහුජන හැඩයකින් පවත්වාගෙන යන මේ ත්‍රිවිධ හමුදා සාමූහිකවල සම්බන්ධීකරණය ජවිපෙ සීමිත කවයක් අතේ පවත්වාගෙන යෑම ඇත්තටම සැක කටයුතුයි.
රටේ රාළ හිතන්නේ මෙතන සැක කටයුතු වගේම අවධානම් සහගත දෙයක් සිද්ධ වෙනවා කියලයි.අපි ඉස්සෙල්ලාම නිරවුල් කරගන්න ඕනි ජවිපෙ මේ හමුදා සාමුහික පවත්වාගෙන යෑමේ බලාපොරොත්තුව මොකද්ද කියලා.ජවිපෙ ඡන්ද පදනම වැඩිකරගන්න නම් මීට වඩා වේගයෙන් අතගහන්න ඕනි ක්ෂේත්‍ර ‍තියනවා.තරුණ,ගොවි, ධීවර වතු කම්කරු වගේ ක්ෂේත්‍ර ගොඩක් තියනවා.
හැබැයි එහෙම තියෙද්දී ජවිපෙ හමුදා සාමුහිකවලට මේ තරම් බරක් තියන්නේ ඇයි?එතනදී කාටහරි මෙහෙම හිතන්න පුලුවන්. ඉතිහාසයේ ජවිපෙට ක්‍රියාත්මක උන රාජ්‍ය මර්ධනය හදුනාගැනීම මේකේ අරමුණක් කියලා.එහෙම හදුනාගෙන ජවිපෙට පුළුවන් තමන්ගේ ආණ්ඩුවක් යටතේ ඒ ඝාතකයන්ට නීතිමය ක්‍රියාමාර්ග ගනිමින් මරා දාපු තමන්ගේ සාමාජිකයන්ට සාධාරණය ඉෂ්ඨ කරන්න කියලා.
ජවිපෙම හෙළිදරව් කිරීමට අනුව රෝහණ විජේවීරට වෙඩි තිබ්බ කර්නල් අශෝක තෝරදෙනිය.හැබැයි තෝරදෙනිය අද හදුන්නෙත්තිගේ කල්‍යාණ මිත්‍රයෙක්.ඒ ඝාතකයා ඉල්මහ විරු සමරුවේ පොල්තෙල් පහන පත්තු කරන්නත් එක්කරගෙන තියන බවට වාර්තා පලවුනා.විජේවීරට වෙඩි තියපු ඝතකයා අද ජවිපෙ හොඳම මිතුරෙක්.මේ තත්වය යටතේ මියගිය ජවිපෙ සමාජිකයාට සාධාරණය කරන්න හමුදා සාමූහික හදනවා කියන්නේ පිස්සු කතාවක්.
එහෙනම් මේ හමුදා සමූහික ගොඩනැගීමේ ප්‍රධාන අරමුණ වෙන්නේ ජවිපෙ බලය ගත්තට පස්සේ මතුවෙන ප්‍රති විප්ලවය මර්ධනය කරන්න පැරා මිල්ටරි ගෲප් හදන්නද කියන සැකය ඊළඟට එනවා.ඒක තහවුරු කරන්න ලාල් කාන්ත පහුගිය කාලේ කරපු කතාවලින් පුලුවන්.බලය ගත්ත ගමන් රාජ්‍ය මර්ධනය ගේනවා කියලා ලාල් පැහැදිලිවම කිව්වා.ලාල් කිව්වේ ජනතාව අපට බලය දෙන්නේ ඒකටත් එක්ක කියලා.
ඒ වගේම ඒකට තවත් සාක්ෂි කීපයක් තියනවා.එකක් ජවිපෙ මූලස්ථානයේ නඩත්තු කරන ජවිපෙ ද්‍රෝගීන්ගේ නාම ලේඛනය.ලාල් කිව්වේ දැනමත් ඒ කණ්ඩායම් මාක් කරගෙන ඉන්නේ කියලා.මේ ලේඛන ජවිපෙ නඩත්තු කරන්නේ එයාලා පුනරුත්ථාපනය කරන්න නෙවෙයි.අනිත් සැකය තමයි රටේ රාළ කිව්ව විදිහට හමුදා සාමූහික සම්බන්ධීකරණය ජවිපෙ දිස්ත්‍රික් ලේකම්ගෙන් ඉහලට සීමාකර තිබීම.
ඊළඟ එක තමයි භයානකම දේ.මේ එකතු වෙලා ඉන්න ත්‍රිවිධ හමුදාවේ ඉහළ නිලධාරීන් ජවිපෙ උවමනාව වෙනුවෙන් පාව්චිචිවීම දැන් අනිවාර්යයෙන්ම සිද්ධ වෑනවා.දැන් මෙයාලගෙන් බොහෝ රාජ්‍ය රහස් ජවිපෙට සම්ප්‍රේෂණය වෙලා ඉවරයි.ආරක්ෂක නිලධාරියෙකුට විශ්‍රාම යෑමෙන් පස්සේ දේශපාලනයට එන්න පුළුවන්.හැබැයි දේශපාලන ආවා කියලා එයා රකින්න ඕනි රාජ්‍ය රහස්වල වගකීම එයාගෙන් අයින් වෙන්න බෑ.
දැන් 88/89 ඝාතකයෝ කවුද කියලා ජවිපෙ දන්නවා.මීට කලින් ඒ ගැන ජවිපෙට තිබුණ සියලු ප්‍රශ්නාර්ථ දැන් ඉවරයි.ඒවාට අණ දුන්න දේශපාලනඥයන් සහ ඒවා කරපු ආරක්ෂක අංශ නිළාරීන් කවුද කියලත් ජවිපෙ දැන් දන්නවා.ඒ හදුනාගැනීම ජවිපෙට වාසිදායකයි.ඒ විජේවීරටවත් කාටවත් සාධාරණය කරන්න නෙවෙයි ඒ පිරිස තමන්ගේ මර්ධන උවමනාව වෙනුවෙන් පාව්චි කරගන්න.උඹලා ඒක කලා නං මේකත් කරපල්ලා කියන්න ජවිපෙට පුලුවන්.අපේ රටේ ආරක්ෂක යාන්ත්‍රණය එදා ක්‍රියාත්මක උන විදිහ සහ අද ක්‍රියාත්මක වෙන විදිහ ජවිපෙ දන්නවා.
ඒ ආකෘති මොනවාද?ඒවා ක්‍රියාත්මක වෙන්නේ කොහොමද?ඉතිහාසයේ ඒ වගකීම් දැරුවේ කවුද දැන් දරන්නේ කවුද කියලා ජවිපෙ A to Z දන්නවා. මේ දත්ත පද්ධතිය ජවිපෙ අතට පත්වීම අතිශයින් විනාශකාරීයි.බලය ගත්ත ගමන් ජවිපෙ හිතන්නේ ඒ key points ටික කවර් කරන්න.ඒකට ඕනි අය ත්‍රිවිධ හමුදා සාමුහිකවල ඉන්නවා.මේ හමුදා සාමූසහික අතර රාජ්‍ය බුද්ධි අංශයට සම්බන්ධ නිළධාරීන් විශාල ප්‍රමාණයක් ඉන්නවා.
ඇත්තටම රාජ්‍ය බුද්ධි අංශයට සම්බන්ධ අය තමන්ගේම ජිවිත කාලයම ඒ ක්‍රියාවලියත් එක්ක ගැටගැහෙනවා.හැබැයි දැන් ඒ අයගෙන් කොටසක් ජවිපෙ තමන්ගේ උවමනාවට නතු කරගෙන.දැන් ආණ්ඩුවේ සමස්ථ බුද්ධි අංශ ක්‍රියාවලිය ජවිපෙ බුද්ධි අංශය දන්නවා.රාජ්‍ය ආරක්ෂාව ගැන සළකද්දී මේක අතිශයින් බරපතල තත්වයක්.අනාගත මර්ධනයට අවශ්‍ය දත්ත,තොරතුරු සහ ක්‍රම වේදය දැන් ජවිපෙ අතේ තියනවා.
ජවිපෙ රාජ්‍ය බලය ගත්තට පස්සේ මර්ධනය ගේන්න දැනටමත් පිඹුරුපත් හදාගෙන ඉන්න බව රටේ රාළට සියට සීයක් තහවුරුයි.හමුදා සාමුහික කියන්නේ අනාගතයේදී දිස්ත්‍රික්ක මට්ටමින් පොල්පොට්ලා බිහිකරන ෆැක්ටරි බවට පත්වේවි. ඒක නිසා ජවිපෙ මේ උන්මත්තක ලේ පිපාසිත බලය ගැනීමේ මෙහෙයුම අනිවාර්යයෙන්ම පරාජය කළ යුතුයි.
හරි එහෙනම් ගිහින් එන්නම්.
ජයවේවා.
මීට
රටේ රාළ.
May be an image of 10 people and text

Similar Posts

Leave a Reply

Your email address will not be published. Required fields are marked *