අල්ලස් කොමිසමේ හිටපු අධ්‍යක්ෂ ජනරාල්වරිය නිදොස්කොට නිදහස් !

sharethis sharing button

දුරකථන සංවාදයකට අදාළ හඬපටයක් හේතුවෙන් වැඩතහනමට ලක්ව සිටි අල්ලස් හෝ දූෂණ විමර්ශන කොමිසමේ හිටපු අධ්‍යක්ෂ ජනරාල් ඩිල්රුක්ෂි ඩයස් වික්‍රමසිංහ මහත්මිය එම චෝදනාවෙන් නිදොස්කොට නිදහස් කිරීමට රාජ්‍ය සේවා කොමිසම තීරණය කර තිබේ.

ඇවන්ගාඩ් සමාගමේ සභාපති නිශ්ශංක සේනාධිපති සහ ඩිල්රුක්ෂි මහත්මිය අතර සිදුවුණු දුරකථන සංවාදයක හඬපටයක් 2019 වසරේදී මාධ්‍ය ඔස්සේ ප්‍රචාරණය වූ අතර ඒ හේතුවෙන් 2019 සැප්තැම්බර් 24 වනදා සිට ඇයව තාවකාලිකව වැඩතහනමට ලක්කරන ලදී.

ඒ වනවිට ඒ මහත්මිය නීතිපති දෙපාර්තමේන්තුවේ අතිරේක සොලිසිටර් ජනරාල් තනතුරේ සේවය කළාය.

කෙසේවෙතත් එම හඬපටය සංස්කරණය කරන ලද්දක් බවට මොරටුව විශ්වවිද්‍යාලය සහ රජයේ රස පරීක්ෂක දෙපාර්තමේන්තුව මීට පෙර නිකුත් කර ඇති වාර්තා සලකා බලා ඇයව අදාළ චෝදනාවෙන් නිදොස්කොට නිදහස් කිරීමටයි රාජ්‍ය සේවා කොමිසම තීරණය කර ඇත්තේ.

මේ වනවිට ඒ මහත්මිය විශ්‍රාම ගෙන සිටින අතර රාජ්‍ය සේවා කොමිසමේ මෙම තීරණයත් සමග ඇයට හිමි වියයුතු හිඟ වැටුප් සහ වරප්‍රසාද ඉදිරියේදී හිමිවනු ඇති බවත් සඳහන්.

RN

LNW

Leave a Reply

Your email address will not be published. Required fields are marked *