භාණ්ඩාගාර බිල් පොලියේ දැවැන්ත පහළ යාමක්

අද (05) දින පැවති භාණ්ඩාගාර බිල්පත් වෙන්දේසියේ දී බර තබන ලද සාමාන්‍ය ඵලදා අනුපාතිකයන් හි දැවැන්ත පහළ යාමක් වාර්තා වී තිබේ.

මෙහිදී දින 91 බිල්පත් ඵලදා අනුපාතික 23% සිට 17.79%ක් දක්වා ත්, දින 182 බිල්පත් ඵලදා අනුපාතිය 19.49% සිට 15.93% ක් දක්වා ත් සහ දින 364 බිල්පත් ඵලදා අනුපාතිකය 16.99% සිට 13.86% ක් දක්වා ත් පහළ ගොස් තිබුණි.

මෙම වෙන්දේසිය සඳහා රු. මිලියන 140,000 ක භාණ්ඩාගාර බිල්පත් ප්‍රමාණයක් ඉදිරිපත් කර තිබුණු අතර ඒ සඳහා රු. මිලියන 252,525 ක ලංසු ප්‍රමාණයක් ලැබී තිබුණි.

එහිදී වෙන්දේසිය සඳහා ඉදිරිපත් කළ ප්‍රමාණයට සමපාත වන අයුරින් රු. මිලියන 140,000 ක බිල්පත් සඳහා ලංසු පිළිගැනීමට ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව කටයුතු කරන ලදී.

Leave a Reply

Your email address will not be published. Required fields are marked *