කෞමාර කාමය හා රථ ගාය (බාලාපරාධිකාරි ආන්ඩූ) – Mad Max & Govt. with Pedophilia – මාතලන්

මාතලන්ගේ පවුලේ උන් සෙට් වී වෙසක් මාසෙට පොඩි පින්කමක් කොරනවාය. ප්‍රධානත්වය දරන ධානපති විශාකා නැන්දා උපාසිකාව කිව්වේ, මේ සැරේ ඒ සල්ලි ටික කැන්සර් හොස්පිටල් එකේ, ඉස්කෑන් යනතරේ ගන්න පූජා කරමු කියාය. වාසනාවකට මෙන් මාතලන්ගේ සහායට අප පවුලේ බාර් ඇසෝසේසොන් එකේ සේනාවෝද, මහින්දට පෙම් කරනා බවලත් උපාසිකාවෝද වූ බැවින්, යාන්තම ඒ වැඩේ නවත්වා, පුරුදු පින්කමම කිරීමට අවසානයේ සියල්ලෝ එකඟ වූහ.

දැන් මාස ගානක් තිස්සේ ටී වී වල මෙන්ම පත්තර වලද මහරගම පිලිකා රෝහලට “පෙට් ඉස්කෑන් යන්තරයක්” ගන්න සම්මාදම් වෙන්නෙයි කියා ඇඩ් එකක් යනවාය. මාතලන් අහන්නේ මහ එකාගේ පටන් ඔය පාර්ලිමේන්තුවේ ඉන්නා අපේ සල්ලි වලින් පිනට කන කාලකන්නින්ගෙන් කී දෙනෙක් ඕකට කීයක් හරි දුන්නාද කියලාය. මුන්ගේ දවල් කෑම කැන්ටිමෙන් නොකා, මාසයක් ගෙදරින් ගෙනත් කෑවා නම් ඔය මුදල මාසයෙන් සොයා ගන්න පුළුවන්ය. එතකොට කෝටී ගනන් ලාභ ලැබුවා කියා ෆයිනල් එකවුන්ට් පත්තරෙන් පබිලිස් කොරනා බැංකු වලින් ඕකට කීයක් සම්මාදම් කලාද? අන්තීමට ආන්ඩුව කරන්න ඕනා වැඩ කරන්න වෙලා තියෙන්නේත් අපි වාගේ හිඟන්නන්ටය.
පීඩපයිල් කාරයෝ හෙවත් බාල අපරාධකාරයෝ කියන්නේ, සෙක්ස් කිරිමේල් කාරයන්ගෙන් බයානකම හා දුර්වලම සෙට් එකක්ය. උන්ගේ ටාගට් එක මහ උන් නොව, හයක් හතරක් නොතේරෙන, ශක්තියෙන් දුර්වල, පහසුවෙන් ගොඳුරු කර ගත හැකි කුඩා දරුවන්ය. ඇත්තටම උන් ලිංගික දුබලයෝය. එහෙම බැලුවාම මහ ළොකු ආර්ථික උස්තාද්ලා ඉන්නවා කිව්වාට, උන් ඔක්කෝම පීඩපයිල් මානසිකත්වයෙන් යුත් පාළකයන්ය, ඇමතිවරුය, නිළධාරීන්ය, උගත්තුය, ආචාර්යවරුය, මහාචාර්යවරුය. මහ උන්ගෙන් ලේසියෙන් ගන්න පුළුවන් ප්‍රාග්ධන බද්ද පැත්තක තියෙද්දි, හිඟන්නාටත් කෙලවෙන වැට් එකට ගේම දෙන්නේ ඒ නිසාය.
ඔය වැට් එක ගැන මක්කා කොලත් අපූරු කතාවක් මැයි දිනයේදි කිව්වේ, රජගෙදර රිලවා මහතාය. උන්නැහේ කිව්වේ කැබිනට් එකේ වැට් එක ගන කතා වෙන වෙලාවේ ලොක්කා හිතන්න ඇත්තේ වැට් 69 විස්කි එක වැඩි කරන්න යනවා වෙන්න ඇති කියලාය. ඇත්තටම සුරාව පෙන්නන්න බැරි ලොක්කා හිතන්න ඇත්තේ එහෙමය. ඒත් වෙන්න යන්නේ මක්කද කියා උන්නැහේ හරියට දැන් ගෙන ඇත්තේ පත්තරෙන්ය. අපරාදේ කියන්නේ, හදිසියේ මේ රට වෙන රටකින් යටත් කොර ගත්තත් එතුමා දැන ගන්නේ පත්තරයෙන්ය. එහෙම පත්තරෙන් දැකලා පොලොන්නරුවේදි සිරා ටෝක් එකක් දුන්නේ, ජනතාව පීඩාවට පත් කොරන ටැස් ගහන්න දෙන්නේ නෑ හිටං කියලාය. එහෙම ටැස් ගහන උන්ට මඩු වලිගෙන් ගහලා, ගෙදර යවනවා හිටං කියලා කිව්වේ පට්ට චියර් එකකුත් එක්කමය.

හැබයි ඉතින්, නම් කොරන ලද බඩු භාන්ඩ කීපෙකට හැර,  නැති වෙන්නම වැට් එක ගහලාය. පාන් ගෙඩිය එහෙමම තිබුනාට, අනිත් බේකරි ප්‍රොඩක්ට් අඩුම ගානේ සුපියල් පහකින් ඉහල දාලාය. හෝටල් කාරයෝත් උන්ගේ දහජරාව වැඩි කොරලාය. නිකං වයි පයි දෙනවා කියපු උන්, හයි පයි උන්ට ගහන්න ඕන ඒවා ඒකටත් ගහලාය. දැන් ඉතින් අපිට වෙන්නේ හරීන්ගේ ගූ ගල් බැලුබ් එක එනකන් බලාගෙන ඉන්නය. ලොක්කා තාම පත්තරේ කියවලා නැති හැඩය.

රනිල් ලොක්කා අපිට කිව්වේ ටික කාලෙකට තිත්ත බෙහෙත් බොන්න වෙනවා කියලාය. ඒක එයා අළුතෙන් කියන්න ඕනා නැතිය. එයාලාගේ රථ ගායට, නිදහස ලබපු දා පටන් තිත්ත බෙහෙත් බොන්නේ අපිය. ඉතින් කවදාවත් එයාලාගේ රථ ගාය සනීප වෙන්නේත් නැතිය. අපි බොන බෙහෙත් එයාලත් බොනවා නම්, අනේ හරි පව් නේද අප්පා කියා ඉවසාගෙනවත් ඉන්න පුළුවන්ය. ඒත් කරුමේ කියන්නේ අපිට තිත්ත බෙහෙත් දීලා එයාලා වැට් 69 ගහනා එකය.

ඊයේ පරිපූරක ඇස්තමේන්තුවක්ද මොකක්ද  උස්සගෙන එන්නේ අගමැතිට තව වාහන දෙකක් ගන්න කියලාය. තා එකක් අගමැති ආරක්ෂක සේවයේ වෙල් විදානේ උන්නැහේටය. රනිල් බේර ගන්නවාට, වෙල් විදානේ උන්නැහේට ලක්ෂ 300 යේ බැරිනම් 700 යේ එකක් දුන්නත් අපිට අවුලක් නැතිය. හැබයි ඒ එයාගේ අම්මගේ අප්පගෙ බූදලෙන් දෙනවානම්ය. එයිටාමතරව ටැක් ෆ්‍රී වැහිකොල් එක විකුණාගෙන කන නිසා, පක්ෂ විපක්ෂ ඔක්කෝම සන්තෝසෙන් තියන්න තවත්, පෝර්මිට් එකකුත් දෙනවාය. නිලියන්ගේ බිල්ඩින් වලට කී මනී දෙන්නේ අවුරුදු 5 කටය. මේවා ළොවෙත් නැති සීන්ය. ආන්ඩුවේ කිසිම වියදමක් උන් අඩු කරන්නේ නැතිය.

මේකට ආන්ඩුව කියන්නේ රාජපස්ස ටැස් එක කියලාය. ඒ කියන්නේ රාජපස්ස ගත්ත ණය ගෙවන්න වෙලා තියෙන්න අපි වාගේ හාල්පාරුවන්ටය. ඉස්සර ගමේ චන්ඩිත්, හෝටලෙන් කාල බිල ගෙවන්න කියන්නේ කන්න ආපු අනිත් උන්ටය. මේකත් එහෙම ගේමක්ය. යකෝ, රාජපස්සලා කාපු ඒවාට අපි පලි නැතිය. තොපි ඔතනට යැව්වේ ඒ රෙජිමේ උන් මුළු රටම කාලා දාන්න යන නිසා, ඒක නවත්තන කියලාය. එහෙම යවපු තොපි, උන් කාපු ඒවා හොයන්නේ නැතිව, උන් රෙද්ද අස්සේ දාගෙන, උන් එක්ක හැමිනි හැමිනි, කාලා නවත්තපු තැන ඉඳන් කිසි අවුලක් නැතිව කාගෙන යනවා නම්, රාජපස්සලාට දීපූ ගේම තොපිටත් දෙන්න දෙසරයක් හිතන්නේ නැතෙයි කියා ලිවිල්ල නවත්වා දමනවාය.

(තෝ, තොපි, තෙපි යන වදන හින්ගල භාෂාවේ සිලබස් එකේ තිබී ඉගෙන ගත් ඒවාය. ඒවායේ වටිනා කම තේරෙන්නේ දැන්ය.)
________________________________

Similar Posts

Leave a Reply

Your email address will not be published. Required fields are marked *