මල්වතු පාර්ශ්වයෙන් කතානායකට ගෞරව සම්මානයක්

කතානායක කරූ ජයසූරිය මහතා වෙත  විශේෂ ගෞරව සම්මානයක් පිරිනැමීමට  මල්වතු මහා විහාර පාර්ශවයේ මහනායක හිමියන් ඇතුළු කාරක මහා සංඝ සභාව තීරණය කර තිබේ. එම ගෞරව සම්මානය  මල්වතු මහා විහාරස්ථ උපෝසථාගාරයේ දී ලබන  අඟහරුවාදා (19) පිරිනැමේ.

මෙයට පෙරද  ශ්‍රී ලංකා රාමඤ්ඤ මහානිකායෙන් “විශ්ව කීර්ති ශ්‍රී ලංකා ජනරංජන” ගෞරව නාමයද, සාරාරථ දර්ශි ජනතා නායක ගෞරව නාමයද කරූ ජයසූරිය මහතා වෙත ප්‍රදානය කර තිබිණ.

ජපන් අධිරාජ්‍යා වෙතින් ප්‍රදානය කෙරෙන ජපානයේ ප්‍රධානතම ගෞරව නාමය වන“උදාවන සූර්යා සම්මානය” පසුගිය වසරේදි කරූ ජයසූරිය මහතා වෙත පිරිනැමිනි.

2017 වසරේදි ඉන්දියාව විසින් “ විශ්ව සාම” සම්මානය කරූ ජයසූරිය මහතා වෙත පිරිනැමුනු අතර ඉන්දියාවේ අබ්දුල් කලාම් විද්‍යායතනයෙන් පිරිනමන“ආසියාවේ අභිමානය” සම්මානය ද කරූ ජයසූරිය මහතා වෙත පිරිනමනු ලැබ ඇත.

Leave a Reply

Your email address will not be published. Required fields are marked *