වසර පහක් ඇතුළත රේගු බදු, රේගු නොවන බදු ඉවතට

 

 

 කර්මාන්ත හා නිෂ්පාදන තරගකාරීත්වයට මුහුණ දීම සඳහා වෙළෙඳ ගැළපුම් වැඩසටහනක් සමඟින් වසර පහක් ඇතුළත  ‌රේගු බදු සහ රේගු නොවන බදු ඉවත් කිරීමට රජය අපේක්ෂා කරන බව ජනාධිපති රනිල් වික්‍රමසිංහ මහතා පැවසීය.

රජය මෙම පියවර  සම්බන්ධයෙන් ලෝක බැංකුව සහ ආසියා සංවර්ධන බැංකුව සමඟ සාකච්ඡා ආරම්භ කර ඇති බවද  ජනාධිපතිවරයා කීය. ජනාධිපතිවරයා මේ බව සඳහන් කළේ කොළඹ විශ්වවිද්‍යාලයේ ආදි විද්‍යාර්ථියින් විසින් පසුගිය 18 දා කොළඹ ෂැංග්‍රිලා හෝටලයේ දී සංවිධානය කර තිබූ 2023 අය වැය පසු විපරම් සමුළුව අමතමිනි.

“බාධක අභිබවා ඉලක්ක වෙත ළගා වීම” තේමාව යටතේ මෙය සංවිධානය කර තිබිණි. ආර්ථික අර්බුදයෙන් රට ගොඩගැනීමේ දී රජයට පමණක් නොව, පෞද්ගලික අංශයට ද විශාල කාර්ය භාරයක් පැවරී ඇති බව පෙන්වා දුන් ජනාධිපතිවරයා රජයේ අරමුණ ව්‍යාපාර කිරීම නොව සෞඛ්‍ය, අධ්‍යාපන, සුබසාධන වැනි ජනතා අවශ්‍යතා සපුරාලීම බව ද අවධාරණය කළේය.

(අංජුල මහික වීරරත්න)

ලංකාදීප 

 

Leave a Reply

Your email address will not be published. Required fields are marked *