ජාතික සභා යෝජනාවට පක්ෂ නායකයින්ගේ අනුමැතිය

 

රටේ ආර්ථික හා සමාජ අර්බුදය සමනය කිරීම සඳහා ජාතික සභාවක් පිහිටුවීමට අදාළ යෝජනාව අගමැති දිනේෂ් ගුණවර්ධන මහතාගේ ප්‍රධානත්වයෙන් අද  (7) පැවති පාර් ලිමේන්තු කටයුතු පිළිබඳ කාරක සභා රැස්වීමේ දී අනුමත කොටතිබේ.

පක්ෂ නායක අනුමැතිය ලත් ජාතික සභාව පිහිටුවීමට අදාළ යෝජනාව කඩිනමින් පාර්ලිමේන්තුවට ඉදිරිපත් කිරීමට ද මෙහිදී තීරණය කර ඇත.

මේ අනුව කතානායකවරයා ජාතික සභාවේ මූලාසනය දරණ අතර අග්‍රාමාත්‍යවරයා, විපක්ෂ නායකවරයා, සභානායකවරයා සහ ආණ්ඩු පක්ෂයේ ප්‍රධාන සංවිධායකවරයා නිල බලයෙන් එහි සාමාජිකයන් බවට පත්වෙති.

නිල බලයෙන් පත් වන සාමාජිකයන්ට අමතරව පාර්ලිමේන්තුවේ සියලු පක්ෂ නියෝජනය වන පරිදි පත් කෙරෙන නියෝජිතයන්ද ඇතුළුව ජාතික සභාවේ සම්පූර්ණ සාමාජික සංඛ්‍යාව 37කි.

රටේ ප්‍රශ්න විසඳීම සඳහා ජාතික සභාවක් පිහිටුවන ලෙස සිවිල් සංවිධාන සහ බහුජන සංවිධාන රැසක් පසුගිය කාලයේදී නොයෙක් වර රජයේ ප්‍රධානීන්ගෙන් ඉල්ලීම් කර තිබිණ.

 

 

Leave a Reply

Your email address will not be published. Required fields are marked *