yukthiya

රනිල් හෙට උදේ 10ට අගමැති ධූරයේ දිව්රුම් දෙයි – රනිල් සහ ජනාධිපති අතර දුරකථන සංවාදයක්

රනිල් වික්‍රමසිංහ මහතා නැවතත් අග්‍රාමාත්‍ය ධූරයෙහි දිව්රුම් දෙනු ඇතැයි දේශපාලන ආරංචි මාර්ග සඳහන් කරයි. රනිල් වික්‍රමසිංහ මහතා හෙට (16) උදේ 10ට   අග්‍රාමාත්‍යවරයා වශයෙන් දිවුරුම් දීමට සූදානමින් සිටින බව වාර්තා වෙයි . රනිල් වික්‍රමසිංහ මහතා සහ ජනාධිපතිවරයා අතර ඊයේ පැවතී දුරකථන සංවාදයකින් පසු මෙම දින යොදාගැනීම සිදුව ඇත. නව රජයේ කැබිනට් මණ්ඩලය ලබන සඳුදා (17) පෙරවරුවේ දිව්රුම් දීමට නියමිතව ඇතැයිද පැවැසේ.නව කැබිනට් මණ්ඩලයට ශ්‍රී ලංකා නිදහස් පක්ෂයේ ඇමැතිවරුන් 6 දෙනෙකුද ඇතුළත්වන අතර කැබිනට් මණ්ඩලය 30 දෙනෙකුගෙන් සමන්විත වනු ඇතැයි ද වාර්තාවේ.ජනාධිපතිවරයා  පෙරේදා  (13) රාත්‍රීයේදී කතානායක කරු ජයසූරිය මහතා සමඟ විශේෂ සාකච්ඡාවක් පවත්වා තිබෙන අතර එහිදී අග්‍රාමාත්‍යධූරය රනිල් වික්‍රමසිංහ මහතාට නැවත ලබාදීමට එඟතාවය පළකර ඇතැයි දේශපාලන ආරංචි මාර්ග සඳහන් කරයි.

ජනාධිපතිවරයා විසින් ඉකුත් ඔක්තෝබර් මස 26 වැනිදා පස්වරුවේදී රනිල් වික්‍රමසිංහ මහතා අග්‍රාමාත්‍ය ධූරයෙන් ඉවත් කළ අතර මහින්ද රාජපක්ෂ මහතා අග්‍රාමාත්‍යවරයා ලෙස පත් කරන ලදි.

Leave a Reply

Your email address will not be published. Required fields are marked *